Цар тахлын үеийн нөхцөл байдал уул уурхайн туслан гүйцэтгэгч компаниудын ажилтнуудад хүнд тусаж байна

2020-05-11

Дэлхий нийтээр тархаад байгаа “COVID-19” цар тахлын улмаас уул уурхайн салбарын ажиллах хүчний нөхцөл байдал хүндхэн байна. Уул уурхайн үндэсний ассоциацийн мэдээлснээр уурхайнуудад 50 мянга гаруй хүн ажиллаж байгаа ажээ. Ханган нийлүүлэгч компаниудыг оролцуулбал уул уурхайн салбараас шууд хамааралтай 200 мянга гаруй хүн байгаа юм байна.

Үүнээс зөвхөн нүүрсний салбарт хамааралтай 70-80 мянган хүн ажилладаг гэсэн мэдээллийг өглөө. Нүүрсний салбараас тухайлбал: 820 ажилтантай “Эрдэнэс Тавантолгой” ХК цөөн тооны ажилтнаа сул зогсоожээ. Хэдий тийм боловч туслан гүйцэтгэгч компаниуд нь хэвийн ажиллаж байгаа гэж тус компанийн Гүйцэтгэх захирал Б.Ганхуяг мэдээллээ. Гэхдээ “Эрдэнэс Тавантолгой” ХК-ийн борлуулалтын орлого төлөвлөгөөнөөсөө 30 хувиар буурахаар байгаа ажээ.

Уул уурхайн компаниудаас хамгийн том ажил олгогч гэгддэг “Оюу Толгой” төсөлд ажиллагсдын тоо 2019 оны эцэс гэхэд 16 мянга шахам байв. Нийт ажилтны 56 хувь нь гүний уурхайд ажиллаж байгаа юм. “COVID-19” цар тахлын улмаас гадаад мэргэжилтнүүд уурхай руу очих боломж хязгаарлагдаж, гүний уурхайн өргөтгөл, малталт 30 хувиар удаашрах магадлалтай байгааг “Оюу Толгой” ХХК мэдээллээ. Үүний нөлөөгөөр гүний уурхайн туслан гүйцэтгэгч компаниуд хүндхэн байдалтай байна. Тухайлбал: III, IV босоо амны ажилд оролцож байгаа “GIP” компани ажилтнуудынхаа тал хувийг цомхотгож магадгүй байгаагаа мэдээлжээ.

Нүүрсний компаниудаас “SouthGobi Sands” уурхайн олборлолтоо хоёрдугаар сараас зогсоосон байна. Агуулахын нүүрсний хэмжээ хангалттай байгаа учир тавдугаар сард олборлолт хийхгүй гэдгээ мэдэгджээ.

Харин “Mongolia Energy Corporation” экспортоо эхлээгүй байгаа учир мөн л сул зогссон байна.

Хөвсгөл аймагт “Могойн гол” уурхайгаас эрчим хүчний нүүрс олборлодог “Могойн гол” ХК энэ онд үйл ажиллагаагаа өргөжүүлж, ажилчдынхаа тоог 40 хувиар нэмэхээр төлөвлөж байсан ч одоо байгаа ажилчдаа цөөлөхөд хүрээд байгааг онцолсон юм.

Эх сурвалж: bloombergmongolia

Сэтгэгдэл үлдээх



Энэ мэдээ танд таалагдаж байвал LIKE хийгээрэй. Танд баярлалаа.

Соргог онцлох

Сонгуулийн тухай хуулийг өргөн барихыг хойшлууллаа
Халаасны хулгайч нартай хамтардаг гар утасны ченжүүдийг илрүүлжээ
Отгонтэнгэр их сургууль Олон улсын стандартын 2 дахь удаагийн баталгаажуулалтыг амжилттай хамгааллаа.
Отгонтэнгэр их сургуулийн багш нарын орчуулсан "Индра Ганди захирах зөн" номын нээлт боллоо
Өнөөдөр Улаанбаатарт 21 хэм дулаан
Ерөнхий сайдын нэрэмжит тэтгэлэгт тэнцсэн 75 оюутанд батламж гардуулав
Улсын хэмжээнд АИ-92 шатахууны 42 хоногийн нөөцтэй байна
“Quad”-ийн удирдагчдын дээд хэмжээний уулзалт эхэллээ
'BAIGALI“ аппликейшнд 3000 зүйлийн амьтан, ургамлын мэдээлэл багтжээ
Хөдөө аж ахуйн ээлжит тооллогод идэвхтэй хамрагдахыг уриалж байна
Замын-Үүдээр задгай вагоны тээврийг нэвтрүүлж эхэллээ
ОТГОНТЭНГЭР ИХ СУРГУУЛЬ “ХҮҮХДИЙН ХӨГЖИЛ, ТӨЛӨВШИЛ” ЭРДЭМ ШИНЖИЛГЭЭНИЙ ХУРЛЫГ 10 ДАХЬ ЖИЛДЭЭ ЗОХИОЖ БАЙНА
Шанхай хотод хатуу хөл хорио тогтоохоор болжээ
Уилл Смит тайзан дээр гаргасан үйлдлийнхээ төлөө Крис Рокоос уучлалт гуйлаа
Cургууль, цэцэрлэг, дотуур байрны нүхэн жорлонг шинэчлэхэд 100 тэрбум төгрөг зарцуулна
Өнөө маргаашдаа нутгийн зүүн хэсгээр салхитай хүйтэн байна
Европын холбооны Erasmus+ төслийн хүрээнд “Ажлын байранд суурилсан сургалт” үндэсний хэлэлцүүлэг болно
Гашуунсухайт боомтоор өдөрт 200 тээврийн хэрэгсэл нэвтэрч буйг ирэх сарын 1-нээс 300 болгоно
Өмнөд Солонгосын шинэ Ерөнхийлөгч Юн Сук Ёл гэж хэн бэ?
Японд барилгын ган арматур сүүлийн 14 жилийн хугацаанд дээд цэгтээ хүртэл өсжээ