М.Энхболдын улстөрчийн карьер үргэлжилнэ

2019-01-29

М.Энхболдын улстөрчийн карьер үргэлжилнэ

Дараалсан таван сонгуульд ялагдал хүлээж, намынх нь туг “бөхийж”, Тусгаар тогтнолын ордон нь эл хуль болсон өдрүүдэд М.Энхболд МАН-ыг хүлээн авч байв. Тухайн үед МАН-ынхан энэ уналтаас гаргах хүнээр М.Энхболдыг гэж харжээ. Энэ сонголтын дараа М.Энхболдын замд тээглэх “дайсан” байхгүй. Харин одоо түүний замд МАН-ын толгойтой болгон хөндөлсөх болж. Түүний гавьяа, тэдэнд гай мэт харагдаж байгаа хэрэг. Гэвч тэр бол дайралт бүхэнд хариу барьж дуугаа өндөрсгөдөг, чанга дуутай поп улстөрчдөөс өөр нэгэн. Өнгөрсөн өдрүүдэд түүнийг суудлаасаа буухыг шаардаж, байж болох бүх шахалтыг үзүүлж байхад “Би хууль ёсоор УИХ-ын даргад нэр дэвшиж, сонгогдсон. Энэ ажил, албан тушаалыг өгөхөд надад зууралдах зүйл байхгүй. Гэхдээ би бүх үйл явдал, тэр тусмаа парламентад болох үйл явдал хуулийн дагуу явагдах ёстой гэж үздэг” гэсэн тайлбар өгөв. Тэр давшилж, бусдыг дагаж дуугаа өндөрсгөсөнгүй.

Харин өнөөдөр УИХ-ын дарга М.Энхболд Ерөнхийлөгчийн өргөн мэдүүлсэн УИХ-ын чуулганы хуралдааны дэгийн тухай хууль, УИХ-ын тухай хуульд нэмэлт, өөрчлөлт оруулах тухай хуулийн дагуу ажлаа хүлээлгэн өгнө. Энэ талаар УИХ-ын дарга М.Энхболд  “Миний зүгээс хуулийн дагуу хуульд заасан үндэслэлээр ажлаасаа чөлөөлөгдөхөд болохгүй зүйлгүй гэдгээ өмнө ч мэдэгдэж ирсэн. Иймээс тогтоолын төслийг хуулийн дагуу хэлэлцэж, цагаан сарын баяраас өмнө шинэ УИХ-ын дарга томилогдох нь зөв байх” хэмээсэн юм. Төрийн хүн хэрхэн хуулийн дагуу асуудалд ханддагийг М.Энхболд харууллаа.

Гэвч үүгээр М.Энхболдын улстөрийн карьеар дуусна гэвэл эндүүрэл. Түүний хувьд улстөрчийн 30  шахам жилийн замнал бий. Анх 1990 онд МАН-д элсэж, 1992 оноос намынхаа шат, шатны удирдах байгууллагад ажилласан. Улмаар 2005 онд МАН-ын даргаар сонгогдож намаа хэрхэн удирдаж чадахаа харуулсан. Иймээс ч МАН-ын удирдлагууд УИХ-ын 2012 оны сонгуульд ялагдал хүлээхтэй зэрэгцэн М.Энхболдыг 2013 онд МАН-ын даргаар дахин сонгосон. Үр дүнд нь УИХ-ын 2016 оны сонгуульд МАН үнэмлэхгүй ялалт байгуулав. УИХ-д 65 суудал авч түүхэн том ялалт байгуулсандаа баярлаж хөөрсөн Ардын намынханд энэ үед М.Энхболдоос сайн хүн байсангүй. Харин өнөөдөр тус намд М.Энхболд шиг “муу” хүн алга. Тугал хариулж явцгаасан МАН-ын залуу гишүүдэд төр удирдах боломжийг олгосон нь М.Энхболд.

Гэвч одоо хүн чанар, ёс зүй, хүнлэг сэтгэл гэдгийг мартсан тэд М.Энхболдод өнгөрсөн жилүүдийнхээ муу муухай бүхнийг “наах”-аар улайран зүтгэж байна. Тэд төлөвлөгөөнийхөө дагуу М.Энхболд руу бүхий л муу, муухайгаа чихээд өөрсдөө уснаас хуурай гарахаар тэмүүлж явна. 

Харин тэдний харлуулж, муухай харагдуулсан энэ үйл явцаар М.Энхболдын улстөрчийн карьер дуусна гэвэл бас эндүүрэл юм.

Сэтгэгдэл үлдээх



Энэ мэдээ танд таалагдаж байвал LIKE хийгээрэй. Танд баярлалаа.

Соргог онцлох

УГААРТСАНЫ УЛМААС 12 НАСТАЙ ЭМЭГТЭЙ ХҮҮХЭД АМИА АЛДАЖ, ХОЁР ХҮҮХЭД УХААНГҮЙ ЭМНЭЛЭГТ БАЙНА
“The Hu” хамтлагийн уран бүтээлийг япон хэлнээ орчуулна
Капитал банкийг сонгосон иргэд НӨАТ-ын буцаан олголтоос өмнө мэдээллээ шинэчлэх ёстой
Ирэх ням гарагаас угаар мэдрэгчийг суурилуулж эхэлнэ
Ууланд төөрсөн эцэг хүү хоёрыг оллоо
Нэг айлын гурван хүүхэд угаартаж, нэг нь амиа алджээ
"Амралтын өдрүүдэд цасан шуурганы улмаас зам даваа хаагдаж болзошгүй"
"Дөрвөн сартай хүүхэд гадны нөлөөтэй нас барсан эсэхийг тогтоохоор шалгаж байна"
ЧИХЭР ХҮҮХДИЙН БИЕИЙН ЭСЭРГҮҮЦЛИЙГ ХАМГИЙН ИХЭЭР БУУРУУЛДАГ
Маргаашаас ихэнх нутгаар хүйтний эрч эрс чангарна
Арванхоёрдугаар сар гарсаар 23 хүн осгож нас баржээ
Таван давхраас унах гэж байсан охиныг аварчээ
Мансууруулах бодис дахин хэрэглэсэн иргэдийн ялыг биечлэн эдлүүлэхээр болжээ
Сурагчдын амралт эхэлсэнтэй холбогдуулж эцэг эхчүүд та бүхэнд дараах сэрэмжлүүлгийг хүргэж байна
Японд төрөлт эрчимтэй буурч байна
Согтуу 10 жолооч тутмын нэг нь эмэгтэй
Сураггүй алга болсон хоёр иргэнийг олжээ
Утлага, даралтын аппарат, чагнуур зэргийг онлайн худалдаанаас худалдаж авахгүй байхыг зөвлөж байна
Өдөртөө 14-16 градус хүйтэн байна
2020 оны 1-р сарын 1-нээс төрийн албан хаагчийн цалинг 8%-иар нэмэхээр болжээ