Бурхан багшийн их дүйчэн өдөр амрах хуулийн төслийг Байнгын хороо дэмжлээ

2019-10-24

УИХ-ын Төрийн байгуулалтын байнгын хороо /ТББХ/-ны өчигдрийн хуралдаанаар УИХ-ын гишүүн Д.Оюунхорол нарын 10 гишүүний өргөн мэдүүлсэн Нийтээр тэмдэглэх баярын болон тэмдэглэлт өдрүүдийн тухай хуульд нэмэлт оруулах тухай хуулийн төслийн хэлэлцэх эсэхийг хэлэлцэж, дэмжлээ.

Хуулийн төслийг УИХ-ын гишүүн Д.Оюунхорол танилцуулав. Монголын ард түмний олон зуун жилийн оюуны өвийг тээж, хадгалж, монголчуудыг эвлэлдэн нэгдэхэд нэн чухал хэрэгсэл болж, хэдэнтээ төрийн шашнаар хүлээн зөвшөөрөгдөж, хүн амын нэгдсэн тооллогоор 15-аас дээш насны хүн амын дийлэнх хувь нь өөрийгөө бурхны шашинтан гэж тодорхойлсон зэрэг нь Монгол Улс бурхны шашинтан орон болохыг харуулж байгаа юм. НҮБ-ын Ерөнхий ассамблейгаас Бурхан багшийн Их дүйчин өдрийг олон улсын хэмжээнд тэмдэглэн өнгөрүүлж байхаар 1999 онд шийдвэрлэсэн байдаг. Тиймээс НҮБ-ын Ерөнхий ассамблейн шийдвэр, иргэд, олон нийтийн хүсэлтийн дагуу Бурхан багшийн Их дүйчин өдөр буюу Зуны тэргүүн сарын шинийн 15-ны өдрийг нийтээр тэмдэглэх баярын өдөр болгохоор хуулийн төсөлд тусгажээ. Хуулийн төсөл батлагдсанаар, үндэсний түүх, хэл, соёл, шашны өв уламжлал, зан заншлаа хадгалан хамгаалж, хөгжүүлэх, монголчуудын эв нэгдлийг бататгах, хүний эрх, эрх чөлөөг хангах эдийн засаг, нийгмийн эерэг боломж бүрдэнэ гэж төсөл санаачлагч үзжээ.

Хуулийн төсөлтэй холбогдуулан УИХ-ын гишүүн Д.Лүндээжанцан, "Сүүлийн үед дээрх хуулийн төслийн талаар нийгэмд ихээхэн мэтгэлзээн болоод байна. Энэ бол амралтын өдөр шинээр нэмж байгаа хэрэг биш. Олон улсад шашны баяр, амралтын өдрийг тэмдэглэж, ёс суртахуун, энх тайван, эрдэм ухааныг эрхэмлэн дээдэлдэг. Тэгвэл Монгол Улсад шашны баярыг тэмдэглэж яагаад болохгүй юм гэсэн асуудлыг сүсэгтэн олон ярьж байна. Энэ өдөр шашны талаар эрдэм шинжилгээний хурал зохион байгуулах, цагаан хоол идэх, бойны газрууд амрах, байгаль орчноо хамгаалах, хүмүүнлэгийн ажил явуулах, архи уухыг тэвчих зэргээр жилийн 365 хоногийнхоо нүгэл буяныг дэнсэлдэг өдөр байх юм" хэмээв.

УИХ-ын гишүүн, ТББХ-ны дарга С.Бямбацогт, Эл хуулийн төсөл нь Монгол Улсын Үндсэн хууль болон бусад хуульд заасан утга агуулгыг зөрчөөгүй гэдгийг онцлоод, манай улсын хүн амын 53 хувь нь бурхны шашин шүтэж байгааг дурдав. Мөн Монгол Улсад баяр, амралтын өдөр жилдээ 14 хоног байгаа бол БНХАУ, ОХУ, Япон, АНУ, Энэтхэг зэрэг улсад 14-28 хоног байгааг тэмдэглэв. Гэвч зарим баяр, амралтын өдөр бямба, ням гарагтай давхцсанаар монголчууд жилд дөрвөн хоногоор л илүү амардаг гэсэн судалгаа гарсныг дуулгалаа.

Ийнхүү санал хураахад, Байнгын хорооны хуралдаанд оролцсон гишүүдийн 80 хувь нь Нийтээр тэмдэглэх баярын болон тэмдэглэлт өдрүүдийн тухай хуульд нэмэлт оруулах тухай хуулийн төслийг хэлэлцэхийг дэмжив. Ингээд хуулийн төслийг хэлэлцсэн Байнгын хорооны санал, дүгнэлтийг УИХ-ын гишүүн Д.Лүндээжанцан чуулганы нэгдсэн хуралдаанд танилцуулахаар тогтов.

Сэтгэгдэл үлдээх



Энэ мэдээ танд таалагдаж байвал LIKE хийгээрэй. Танд баярлалаа.

Соргог онцлох

Галт тэрэг, автобусаар хил нэвтэрсэн иргэдийг тусгаарлажээ
Сонгуулийн зардлын дээд хэмжээг тогтоолоо
Улсын онцгой комисс уриалга гаргалаа
Солонгосоос ОХУ-аар дамжин ирсэн иргэдийг тусгаарлалаа
"Air New Zealand" компани зорчигчдод унтлагын орыг санал болгоно
Албан ёсны хандивын данс нээлээ
УГААРТСАНЫ УЛМААС 12 НАСТАЙ ЭМЭГТЭЙ ХҮҮХЭД АМИА АЛДАЖ, ХОЁР ХҮҮХЭД УХААНГҮЙ ЭМНЭЛЭГТ БАЙНА
“The Hu” хамтлагийн уран бүтээлийг япон хэлнээ орчуулна
Капитал банкийг сонгосон иргэд НӨАТ-ын буцаан олголтоос өмнө мэдээллээ шинэчлэх ёстой
Ирэх ням гарагаас угаар мэдрэгчийг суурилуулж эхэлнэ
Ууланд төөрсөн эцэг хүү хоёрыг оллоо
Нэг айлын гурван хүүхэд угаартаж, нэг нь амиа алджээ
"Амралтын өдрүүдэд цасан шуурганы улмаас зам даваа хаагдаж болзошгүй"
"Дөрвөн сартай хүүхэд гадны нөлөөтэй нас барсан эсэхийг тогтоохоор шалгаж байна"
ЧИХЭР ХҮҮХДИЙН БИЕИЙН ЭСЭРГҮҮЦЛИЙГ ХАМГИЙН ИХЭЭР БУУРУУЛДАГ
Маргаашаас ихэнх нутгаар хүйтний эрч эрс чангарна
Арванхоёрдугаар сар гарсаар 23 хүн осгож нас баржээ
Таван давхраас унах гэж байсан охиныг аварчээ
Мансууруулах бодис дахин хэрэглэсэн иргэдийн ялыг биечлэн эдлүүлэхээр болжээ
Сурагчдын амралт эхэлсэнтэй холбогдуулж эцэг эхчүүд та бүхэнд дараах сэрэмжлүүлгийг хүргэж байна