Дэлхийн дээвэр Эверест уулнаас гурван тонн хог буулгаад байна

2019-05-03

Дэлхийн орон орны уулчдын зорьдог чухал газар болсон дэлхийн дээвэр Эверест уул хогонд дарагдаад байна.

Саяхан энэхүү уулны хогийг цэвэрлэх зорилготой сайн дурынхан Балбын засгийн газрын дэмжлэгтэй ажиллаж эхэлжээ. 14 хүнтэй тус багийнхан эхний хоёр долоо хоногийн хугацаанд гурван тонн хог буулгасан байна.

Тэд 45 хоногийн хугацаанд 10 тонн хогийг Эверестээс цуглуулах зорилго тавьжээ.

Балбын зэвсэгт хүчний нисдэг тэрэг хогийг уулнаас буулгахад тусалж байгаа юм. Өнгөрсөн хугацаанд Эверестээс хоосон лааз, лонх, хуванцар, уулчдын хаяж гээсэн эд зүйлсийг цуглуулснаас гадна дөрвөн хүний цогцос олжээ.

Уур амьсгалын дулаарлын улмаас далайн төвшнөөс 8,848 метр өндөр Эверестийн цас мөс хайлж, авирахаар яваад сураггүй болсон үе үеийн уулчдын цогцос олноор ил гарах болсон байна.

Балбын засгийн газар олон жилийн турш уулын хог хаягдалтай тэмцэж байгаа. 2011 оноос хойш Эверестыг цэвэрлэх ажил тогтмол зохион байгуулж иржээ. Мөн 2014 оноос эхлэн уулчдаас барьцааны мөнгө авч, уулнаас буухдаа найман килограм хогтой буцаж ирвэл барьцааны мөнгийг нь буцаан олгох болсон байна.

Энэ оны хоёрдугаар сараас эхлэн Эверест уул руу авирахыг Хятадын талаас зогсоосон нь мөн хог хаягдлын асуудлыг шийдэх зорилготой.

Гэвч сүүлийн жилүүдэд хог хаягдлаас гадна амиа алдсан уулчдын цогцос олноор илрэх болоод байгаа. 1922 оноос хойш нийт 200 гаруй уулчин Эверестэд амь үрэгдсэн гэсэн бүртгэл байдаг.

Эх сурвалж: CNN

Сэтгэгдэл үлдээх



Энэ мэдээ танд таалагдаж байвал LIKE хийгээрэй. Танд баярлалаа.

Соргог онцлох

“Монголчуудын 50 хувь нь илүүдэл жинтэй"
Энэ сарын 27-оос үндсэн хуулийн төслийн хоёр дахь хэлэлцүүлгийг хийнэ
Өнөөдрөөс хаагдах замууд
Завьт эргүүлийнхэн 4 иргэний амь насыг авран хамгааллаа
О.Дөлгөөнд тусалцгаая
Улаанбаатар хотын музейг сэргээн засварлахаар боллоо
9 сая төгрөгийн шагналын сантай Хөрсний бохирдлыг бууруулах шийдэл төсөл, бүтээлийн уралдаан зарлагдлаа
Тарваган тахал өвчний эсрэг вакцин хийнэ
Улаанбаатарын дайны хүн ам Монголд ядуу байна
Бакалаврын боловсрол эзэмшээгүй 21 иргэнийг МАГИСТР-аар төгсгөхөөр завджээ
Хар тамхи хилээр нэвтрүүлэх оролдлогын 69 хувьд нь илгээмж ашиглажээ
К-Попын шинэ гүнж
Канад улс анх удаа АНУ-аас илүү тооны цагаач хүлээн авчээ
Боолчуудын үр удамд нөхөн олговор өгөх асуудал ширүүн маргаан дэгдээв
Иран улс АНУ-ын армийн дроныг буудаж унагаснаа зарлав
Дэлхийн коксжих нүүрсний зах зээлийн 8 хувийг Монгол нийлүүлжээ
Соёлын өвөө хэрхэн хамгаалж, арчилдаг талаар БНСУ-ын мэргэжилтнүүд зөвлөж байна
Наадмаар худалдаа үйлчилгээ явуулах ААН, иргэдийн хүсэлтийг авч байна
Наргиж цэнгэж явахдаа нялх хүүхдээ битгий дагуулж яваачээ
Хүн амьдрахад тохиромжтой хоёр гараг шинээр нээжээ