TIMES: “HUAWEI”-н тухай баримтыг ТТГ-аас Лондонд шилжүүлж өгчээ

2019-04-23

Times: “Huawei”-н тухай баримтыг ТТГ-аас Лондонд шилжүүлж өгчээ

“Huawei” корпораци БНХАУ-ын тусгай албад болон зэвсэгт хүчнээс санхүүжилт авч байсан тухай баримтыг АНУ-ын Тагнуулын төв газар (ТТГ) Их Британи улсад шилжүүлэн өгчээ. Энэ тухай “The Times” сонин аюулгүй байдлын салбар дахь Британийн эх сурвалжийг эшлэн бямба гаригт мэдээлжээ.

“Huawei” бол Нэгдсэн Вант улсад үүрэн утсан холбооны операторууд болон интернэт-компанийн ажилд хэрэгтэй тоног төхөөрөмжийг нийлүү­лэгч томоохон компани болохоор Хятад улс тагнуулын үйл ажиллагаа явуулах боломж бүрдүүлсэн программын хавсарга эд ангийг программ хангам­жид суулгасан байж болох юм хэмээн Лондон болгоомжилж байна.Үүнтэй холбогдуулан тав дахь үеийн (5G) үүрэн холбооны технологийг нэвтрүүлэхэд “Huawei” Их Британи улсад нийлүүлэхэд бэлэн байгаатай холбоотой төлөвлөгөөний дүн шин­жил­гээг Британийн Засгийн газар дараагийн долоо хоногт хэлэлцэх төлөвтэй байгаа аж.

Тагнуулын төв газрын буруутгалыг “Huawei” үндэслэлгүй дүгнэлт хэмээн нэрлээд энэ талаар тайлбар хийхээс татгалзсаныг “The Times” тэмдэглэсэн байна. Хятадын Засгийн газар мэдээлэл цуглуулахыг хэзээ ч хүсч байгаагүй, хэрвээ тийм хүсэлт ирсэн бол “Huawei” түүнийг биелүүлэхээс татгалзах байсан хэмээн корпорацийн удирдлагууд мэдэгдсэн тухай мөн сонинд бичжээ.

Дэлхийн улс орнуу­дад ашиглаж байгаа өөрийн тоног төхөөрөмжийн тусламжтайгаар нууц материал цуглуулж, техникийн тагнуул хийсэн хэмээн АНУ, Австрали улс хоёр “Huawei”-г буруутгасны дараа тус компанид олон улсын эдийн засгийн хориг тогтоох аюул занал нүүрлэсэн. Эдгээр буруутгалын дуулианы хүрээнд Ираны эсрэг тавьсан Америкийн худалдааны хоригийг зөрчсөн хэмээн Вашинг­тоны сэжиглэж байгаа компанийн санхүүгийн захирал Мэн Ваньжоуг Канадад арванхоёрдугаар сарын 1-нд АНУ-ын хүсэлтээр баривчилсан. Үүний хамт Польшийн эрх баригчид “Huawei”-гийн ажилтныг БНХАУ-д ашигтай тагнуул хийсэн хэрэгт сэжиглэн нэгдүгээр сарын 11-нд баривчлан саатуулжээ.

“Huawei” корпорацийг 1987 онд үүсгэн байгуулсан. Тус корпораци алсын зайн (теле) холбоо харилцааны тоног төхөөрөмж, хэрэглээний багаж хэрэгсэл, ухаалаг гар утас үйлдвэрлэдэг. Компанийн бүтээгдэхүүн, үйлчилгээг 170 гаруй орон хэрэглэж байгаа аж.

Сэтгэгдэл үлдээх



Энэ мэдээ танд таалагдаж байвал LIKE хийгээрэй. Танд баярлалаа.

Соргог онцлох

Нэг өрхийн сарын дундаж бодит нийт орлого өмнөх улирлаас 6.6 хувиар өслөө
Үндсэн хуулийн цэц хуралдана
Энэ жилийн хамгийн үнэтэй 10 автомашины брэнд
Б.Хурц нарын есөн хүнд холбогдох гэм буруугийн шүүх хурал өнөөдөр болно
Д.Нямхүү: Дахин хоёр хүн эмчилэгдэж, ХӨСҮТ-ээс гарлаа
Баянзүрх дүүрэгт МАН-аас рейтинг өндөртэй улстөрчид үзэх нь
Хулгайлсан автомашиныхаа арлын дугаарыг өөрчлөн зарж борлуулах гэж байсныг илрүүллээ
Хотын төвийн авто зогсоолуудыг нэгдсэн менежментэд оруулж эхэллээ
Алтанбулаг боомтоор орж ирсэн 205 иргэнийг Орхон, Сэлэнгэ, Дархан-Уул аймагт тусгаарлажээ
Улаанбаатар хотод эм, эмнэлэгийн хэрэгслийн төвлөрсөн агуулахыг барьж байгуулна
Узбекистанд их, дээд сургуулийн элсэлтийн шалгалтыг хялбаршуулсан хэлбэрээр зохион байгуулна
Шүүх Э.Оюунболд аваргын нэхэмжлэлийг хэрхэн шийдэх вэ?
БНХАУ-ын пуужин Атлантын далайд унаж дэлбэрчээ
Хахууль авсан хэрэгт холбогдсон шүүгчдийн гэм буруутай, эсэхийг хэлэлцэж эхэллээ
Сонгуулийн маргааш л бут үсрэх Ардчилсан намын түр эвлэрэл
COVID-19: Халдварласан хүний тоо 4,525,000 давж, 303,371 хүн нас баржээ
Хамгийн олон хууль санаачилж батлуулсан гишүүд
УИХ-ын сонгуульд нэр дэвшигчдийн ХОМ авах сүүлийн хугацаа энэ сарын 19
Хэнтий аймагт орон нутгийн замын хөдөлгөөнийг хязгаарлана
Цаг агаарын гамшигт үзэгдлээс сэрэмжлүүлж байна!