Сүбаатар дүүргийн 1 дүгээр хороо, “Хүнсний 20”-ийн нүхэн гарцыг засварлаж эхэллээ.

Засвар, шинэчлэлийн ажлыг Төр хувийн хэвшлийн түншлэлээр өнөөдрөөс эхлэн 2019 оны дөрөвдүгээр сарын 25-ны өдрийн хооронд “Элит констракшн” ХХК хийж гүйцэтгэх юм байна.

Засварын ажлын хүрээнд шатны орц гарцанд шинээр бүхээг хийж, туннелийн дотоод хэсгийн ус зайлуулах шүүрт худаг, трапыг шинэчлэн сэргээж насос суурилуулах, дээврийн ус нэвчилтийг зогсоох, цахилгааны монтажийг иж бүрэн шинэчлэх, камержуулалт, шат болон дотор ханыг иж бүрэн тохижуулан ашиглалт, цэвэрлэгээг үйлчилгээг мэргэжлийн байгууллагад шилжүүлэх аж.

Камерийн хяналтыг 24 цагаар Улаанбаатар хотын Шуурхай удирдлагын зохицуулах төвөөс хяналт хийх боломж бүрдэхээр хийнэ гэж Хотын захирагчийн ажлын албанаас мэдээллээ.