Монголчуудын үндэсний баяр болох Цагаан сар хоёрдугаар сарын 5-нд болно. Тэгвэл баяр ёслол, бүх нийтээр тэмдэглэх баярын өдрүүдэд амралтыг зохицуулсан тусгай хуультай. 

Тус хуулийн хүрээнд ирэх долоо хоногийн мягмар гаригаас пүрэв гариг хүртэл бүх нийтээр амарна. Харин баасан гаригт ажил цуглаж, төрийн болон хувийн хэвшлүүдийн ажил эхлэх ёстой.

Тэгвэл өнөөдрийн Засгийн газрын хуралдаанаар ирэх долоо хоногийн баасан гариг буюу шинийн дөрөвний ажлын өдрийг энэ сарын 2 буюу ирэх бямба гарагийн амралтын өдөрт шилжүүлэх шийдвэр гаргажээ.