Ерөнхий боловсролын  сургуулийн 241 сургуулийн монгол хэл, уран зохиол, монгол бичгийн 500 багшид зориулсан “Эх хэлний   өдөр”-2018 лекцийг Нийслэлийн Хан-Уул дүүргийн 32  дугаар дунд сургуулийн Урлагийн танхимд зохион байгуулах гэж байна. 

Монгол   Улсын   Ерөнхийлөгчийн   дэргэдэх   Хэлний   бодлогын үндэсний зөвлөлөөс Ерөнхийлөгчийн 2017 оны наймдугаар сарын 25-ны өдрийн 25 дугаар зарлигийг  хэрэгжүүлэх ажлын хүрээнд зохион байгуулж буй арга хэмжээний зорилго нь монгол хэл уран зохиол, монгол бичгийн багш нарыг мэргэжил арга зүйгээр хангах, монгол   хэл  соёлоо  хадгалах, хамгаалах, хөгжүүлэх, тэдэнд хэлний боловсрол олгох зорилготой болно.

Мөн монгол хэлний тухай хууль, Ерөнхийлөгчийн Эх хэлний өдрийн зарлиг, Монгол бичгийн  албан   хэрэглээг   нэмэгдүүлэх   зарлиг,  Монгол  бичгийн хэрэглээг эрчимжүүлэх зарлигийг сурталчлах зорилготой болно.

Тус лекцэд: 

• Хэлний бодлогын   үндэсний   зөвлөлийн   дарга   С.Дулам “Даяаршлын эрин үед Монгол хэлээ хэрхэн хадгалж хамгаалах вэ?” сэдвээр
• Хэлний бодлогын үндэсний зөвлөлийн гишүүн, шинжлэх   ухааны доктор Ц.Өнөрбаян“Монгол хэлний дархлаа, үнэ цэн” сэдвээр,
• Хэлний бодлогын үндэсний зөвлөлийн гишүүн Б.Наминчимэд “Уран зохиолын хичээл яагаад үнэ цэнтэй  вэ?” сэдвээр тус тус ярилцана.

Лекц 2018 оны наймдугаар сарын 29-ний өдрийн 9-12   цагийн хооронд болно.