Японы дарс үйлдвэрлэгч хосыг Францаас явуулахыг иргэд эсэргүүцжээ

2018-07-05

Өмнөд Францад усан үзмийн тариалан эрхэлж, дарс үйлдвэрлэж эхэлсэн японы хоёр иргэнийг цагаачлалын алба нутаг буцаахаар болсон нь дарсанд дурлагчдын хүчтэй эсэргүүцэлтэй тулгарчээ.

Эсэргүүцлийн бичигт 42,000 гаруй хүн гарын үсэг зурснаас гадна Францын ресторанууд, дарсны шинжээчид нэгдсэн байна. Нэг гэр бүлийн хос болох Рие болон Хирофуми Шожи нар өнгөрсөн жил анхны ургацаа Францын Каталан дахь тариалангаасаа хурааж, үйлдвэрлэсэн “Pedres Blanques” улаан дарс нь тэр дороо алдаршиж байв.

Тэдний дарсыг дэлхийн дээд зэрэглэлийн ресторанууд захиалж, анхны ургацын 10,000 лонх дарс нь тэр дороо зарагдаж, үнэ нь 12 еврогоос 26 евро болж өссөн юм.

Гэвч Францын цагаачлалын албаныхан Шожигийн гэр бүлийг хангалттай орлоготой бизнес эрхэлж чадаагүй гэж үзэн нутаг буцаах шийдвэр гаргажээ.

Япон хос өөрсдийн 100,000 еврогийн хадгаламжийг шавхан 50,000 еврогийн зээл авч тариалан эрхлэхэд хэцүү Газрын дундад тэнгис рүү түрж орсон Пиренейн уулын бүсэд бизнесээ эхэлж байв.

Тэд усан үзмийг гар аргаар тариалж, ямар ч химийн бодисгүй, цэвэр бүтээгдэхүүн гарган авсан нь ийнхүү амжилт олсон байна.

38 настай Хирофуми Шожи нь Японд байдаг дээд зэрэглэлийн франц ресторанд ажиллаж байхдаа франц дарсанд дурласан хүн юм. Тэр өөрийн дарсны тариалантай болох мөрөөдөлтэй 2011 онд Францад ирээд алдартай үйлдвэрлэгчдэд ажиллангаа суралцсан байна.

Энэ үедээ тэр өөртэйгээ ижил сонирхолтой бүсгүйтэй танилцаж, улмаар 2016 онд гэрлэж, хамтдаа тариалангийн газар худалдан авчээ. Гэвч тэднийг визний статусаа “ажил эрхлэгч”-ээс “фермер” болгон солиулах гэхэд цагаачлалын албаныхан орлого нь хангалттай өндөр биш гэж үзээд албадан буцаах шийдвэр гаргасан юм.

Тэдний дарсанд дурласан орон нутгийн иргэд, дарсны мэргэжилтнүүд эсэргүүцлийн хөдөлгөөн өрнүүлж, эрх баригчдын шийдвэрийг “солиотой, тэнэг, гэмт үйлдэл” гэж нэрлэн Япон залуусыг авч үлдэхийн төлөө тэмцэж эхэлжээ.

Эх сурвалж: AFP

Сэтгэгдэл үлдээх



Энэ мэдээ танд таалагдаж байвал LIKE хийгээрэй. Танд баярлалаа.

Соргог онцлох

Нэг өрхийн сарын дундаж бодит нийт орлого өмнөх улирлаас 6.6 хувиар өслөө
Үндсэн хуулийн цэц хуралдана
Энэ жилийн хамгийн үнэтэй 10 автомашины брэнд
Б.Хурц нарын есөн хүнд холбогдох гэм буруугийн шүүх хурал өнөөдөр болно
Д.Нямхүү: Дахин хоёр хүн эмчилэгдэж, ХӨСҮТ-ээс гарлаа
Баянзүрх дүүрэгт МАН-аас рейтинг өндөртэй улстөрчид үзэх нь
Хулгайлсан автомашиныхаа арлын дугаарыг өөрчлөн зарж борлуулах гэж байсныг илрүүллээ
Хотын төвийн авто зогсоолуудыг нэгдсэн менежментэд оруулж эхэллээ
Алтанбулаг боомтоор орж ирсэн 205 иргэнийг Орхон, Сэлэнгэ, Дархан-Уул аймагт тусгаарлажээ
Улаанбаатар хотод эм, эмнэлэгийн хэрэгслийн төвлөрсөн агуулахыг барьж байгуулна
Узбекистанд их, дээд сургуулийн элсэлтийн шалгалтыг хялбаршуулсан хэлбэрээр зохион байгуулна
Шүүх Э.Оюунболд аваргын нэхэмжлэлийг хэрхэн шийдэх вэ?
БНХАУ-ын пуужин Атлантын далайд унаж дэлбэрчээ
Хахууль авсан хэрэгт холбогдсон шүүгчдийн гэм буруутай, эсэхийг хэлэлцэж эхэллээ
Сонгуулийн маргааш л бут үсрэх Ардчилсан намын түр эвлэрэл
COVID-19: Халдварласан хүний тоо 4,525,000 давж, 303,371 хүн нас баржээ
Хамгийн олон хууль санаачилж батлуулсан гишүүд
УИХ-ын сонгуульд нэр дэвшигчдийн ХОМ авах сүүлийн хугацаа энэ сарын 19
Хэнтий аймагт орон нутгийн замын хөдөлгөөнийг хязгаарлана
Цаг агаарын гамшигт үзэгдлээс сэрэмжлүүлж байна!