Монгол Улсад аялал жуулчлалын статистик мэдээллийг тооцоолох аргачлалыг нэвтрүүлэх талаар санал солилцов

2018-06-27

Байгаль орчин, аялал жуулчлалын сайд Н.Цэрэнбат Испани улсад албан томилолтоор ажиллаж байна. НҮБ-ын Дэлхийн аялал жуулчлалын байгууллага, Испани  улсын Эрчим хүч, аялал жуулчлал, дижитал хөтөлбөрийн яамтай  хамтран “Аялал жуулчлалын ухаалаг бүс нутаг - Олон улсын 2 дугаар хуралдаан”-ыг зохион байгуулж байгаа юм.

БОАЖ-ын сайд Н.Цэрэнбат энэ үеэр ДАЖБ-ын Ерөнхий нарийн бичгийн дарга Зураб Пололикашвилитэй уулзалт хийж, Монгол Улсын аялал жуулчлалын гол чиглэл дагуу дэд бүтэц, бүтээгдэхүүн, үйлчилгээг хөгжүүлэхэд донор байгууллагууд, хөрөнгө оруулагчдыг татахад Дэлхийн аялал жуулчлалын байгууллагын зүгээс дэмжлэг үзүүлж ажиллахыг хүслээ.

Түүнчлэн Монгол Улсад аялал жуулчлалын статистик мэдээллийг тооцоолох “Tourism Satellite Account” аргачлалыг нэвтрүүлэх, аялал жуулчлалын тандалт судалгааны төв - “UNWTO Sustainable Tourism Observatory Center” байгуулахад хамтран ажиллах, гар утсанд суурилсан ухаалаг аялал жуулчлалын бүтээгдэхүүн, үйлчилгээ зэрэг аялал жуулчлалын дижитал технологийг нэвтрүүлэх болон бусад асуудлуудаар санал солилцлоо.

“Аялал жуулчлалын ухаалаг бүс нутаг - Олон улсын 2 дугаар хуралдаан”-д олон улсад дижитал технологиор тэргүүлэгч байгууллагууд оролцож байгаа ба Н.Цэрэнбат сайд IBM, Master card, Amadeus зэрэг байгууллагын төлөөлөлтэй уулзаж,  2019 он гэхэд Монгол Улсын Байгаль орчин, аялал жуулчлалын яамыг бүрэн цахимжуулахаар ажиллаж байгаа талаараа танилцуулсанюм.

Хоёр дахь удаагаа зохион байгуулагдаж буй дээрх хуралдаан нь аялал жуулчлалын технологи, шинэчлэл, бүх нийтэд хүртээмжтэй, тогтвортой байдал дээр тулгуурласан 21 дүгээр зууны аялал жуулчлалын шинэ загварыг бий болгох, цаашлаад аялал жуулчлал “Тогтвортой хөгжлийн зорилт 2030”-ыг хангах түлхүүр салбар болохыг онцлох зорилготой юм. Мөн хуралдаанаар дижитал технологи дээр суурилсан аялал жуулчлалын бүс нутгийн шинэчлэл, аялал жуулчлалын үр нөлөөллийг мониторинг хийх гарцууд, ухаалаг засаглал, шинэ технологи, шинэчлэлийг ашиглан тогтвортой хөгжлийг урагшлуулах, дата мэдээллийн ашиглалт ба кибер аюулгүй байдал, салбарын хамтын ажиллагаа ба нээлттэй платформ гэх мэт өргөн хүрээний сэдвүүдээр оролцогч талуудыг хамруулсан хэлэлцүүлгүүд зохион байгуулж байна.

Эх сурвалж: БОАЖЯ

Сэтгэгдэл үлдээх



Энэ мэдээ танд таалагдаж байвал LIKE хийгээрэй. Танд баярлалаа.

Соргог онцлох

Нэг өрхийн сарын дундаж бодит нийт орлого өмнөх улирлаас 6.6 хувиар өслөө
Үндсэн хуулийн цэц хуралдана
Энэ жилийн хамгийн үнэтэй 10 автомашины брэнд
Б.Хурц нарын есөн хүнд холбогдох гэм буруугийн шүүх хурал өнөөдөр болно
Д.Нямхүү: Дахин хоёр хүн эмчилэгдэж, ХӨСҮТ-ээс гарлаа
Баянзүрх дүүрэгт МАН-аас рейтинг өндөртэй улстөрчид үзэх нь
Хулгайлсан автомашиныхаа арлын дугаарыг өөрчлөн зарж борлуулах гэж байсныг илрүүллээ
Хотын төвийн авто зогсоолуудыг нэгдсэн менежментэд оруулж эхэллээ
Алтанбулаг боомтоор орж ирсэн 205 иргэнийг Орхон, Сэлэнгэ, Дархан-Уул аймагт тусгаарлажээ
Улаанбаатар хотод эм, эмнэлэгийн хэрэгслийн төвлөрсөн агуулахыг барьж байгуулна
Узбекистанд их, дээд сургуулийн элсэлтийн шалгалтыг хялбаршуулсан хэлбэрээр зохион байгуулна
Шүүх Э.Оюунболд аваргын нэхэмжлэлийг хэрхэн шийдэх вэ?
БНХАУ-ын пуужин Атлантын далайд унаж дэлбэрчээ
Хахууль авсан хэрэгт холбогдсон шүүгчдийн гэм буруутай, эсэхийг хэлэлцэж эхэллээ
Сонгуулийн маргааш л бут үсрэх Ардчилсан намын түр эвлэрэл
COVID-19: Халдварласан хүний тоо 4,525,000 давж, 303,371 хүн нас баржээ
Хамгийн олон хууль санаачилж батлуулсан гишүүд
УИХ-ын сонгуульд нэр дэвшигчдийн ХОМ авах сүүлийн хугацаа энэ сарын 19
Хэнтий аймагт орон нутгийн замын хөдөлгөөнийг хязгаарлана
Цаг агаарын гамшигт үзэгдлээс сэрэмжлүүлж байна!