"Тарьц, суулгац-2017" үзэсгэлэн худалдаа үргэлжилж байна

2017-10-11

Монгол Улсын Ерөнхийлөгч зарлиг гаргаж жилдээ ганц удаа биш, хавар, намар бүх нийтээрээ мод тарьдаг болсон. Энэ намрын  “Бүх нийтээр мод тарих үндэсний өдөр” ирэх бямба гариг буюу аравдугаар сарын 14-нд тохиож байна. Үүнтэй холбогдуулан БОАЖЯ-наас уламжлал болгон зохион байгуулж ирсэн  “Тарьц, суулгац-2017” үзэсгэлэн худалдаа МҮЭСТО-д нээлтээ хийлээ. Үзэсгэлэн худалдаа 2 өдөр үргэлжлэх бөгөөд Ойн судалгаа, хөгжлийн төв, ойн нөхөн сэргээлтийн чиглэлээр үйл ажиллагаа явуулдаг 35 гаруй ойн мэргэжлийн байгууллага өөрсдийн мод үржүүлгийн газарт тарьж, ургуулсан төрөл тарьц, суулгац, үр, үрсэлгээ болон бордоог худалдан борлуулж байна.

“Тарьц, суулгац-2017” үзэсгэлэн худалдааг нээсэн БОАЖ-ын дэд сайд Ц.Батбаяр “Хүн төрөлхтний өмнө тулгарч байгаа томоохон сорилтын нэг нь уур амьсгалын өөрчлөлт болоод байна. Энэхүү сорилтыг даван туулахад хүлэмжийн хийн ялгарлыг бууруулах, түүний шингээлтийг нэмэгдүүлэх онцгой ач холбогдолтой арга замын нэг бол ой мод тарих, ойжуулах ажил билээ. Аж ахуйн нэгж, байгууллага, иргэдийн мод тарих идэвх санаачлагa бий болгох, нэмэгдүүлэх зорилгоор бий болгосон “Бүх нийтээр мод тарих үндэсний өдөр”-ийн арга хэмжээг улсын хэмжээнд 15 удаа амжилттай зохион байгуулж, 10 сая гаруй модыг тарьжээ. “Бүх нийтээр мод тарих үндэсний өдөр”-ийн арга хэмжээний нэг салшгүй үйл ажиллагаа нь тарьц суулгацын үзэсгэлэн худалдаа юм. Тус үзэсгэлэнг зохион байгуулах нь нэг талаас мод тарьж, ургуулах бизнес эрхэлдэг иргэн, аж ахуйн, нэгж байгууллагын борлуулалт, үйл ажиллагааг дэмжих, нөгөө талаас мод тарих өдрийг угтаж, мод тарих хүсэлтэй иргэд, аж ахуй нэгж байгууллагыг тарьц, суулгац болон мод тарих мэргэжил арга зүйн удирдлагаар хангахад чиглэгдсэн ач холбогдолтой арга хэмжээ юм.  Ард иргэд, аж ахуй нэгж, байгууллага Та бүхнийг “Тарьц, суулгац-2017” үзэсгэлэн худалдааны үйл ажиллагаанд амжилт хүсч, өргөнөөр оролцохыг уриалж байна” гэсэн юм.

Tарьц, суулгацын  үзэсгэлэн худалдаа нь жилээс жилд өргөжиж ирсэн бөгөөд 40 гаруй байгууллага, аж ахуйн нэгж, иргэд 25 орчим зүйлийн мод, сөөгний 16000 орчим тарьц, суулгац худалдаалж, 70 гаруй сая төгрөгийн борлуулалтыг хийдэг болжээ.

Сэтгэгдэл үлдээх



Энэ мэдээ танд таалагдаж байвал LIKE хийгээрэй. Танд баярлалаа.

Соргог онцлох

“Монголчуудын 50 хувь нь илүүдэл жинтэй"
Энэ сарын 27-оос үндсэн хуулийн төслийн хоёр дахь хэлэлцүүлгийг хийнэ
Өнөөдрөөс хаагдах замууд
Завьт эргүүлийнхэн 4 иргэний амь насыг авран хамгааллаа
О.Дөлгөөнд тусалцгаая
Улаанбаатар хотын музейг сэргээн засварлахаар боллоо
9 сая төгрөгийн шагналын сантай Хөрсний бохирдлыг бууруулах шийдэл төсөл, бүтээлийн уралдаан зарлагдлаа
Тарваган тахал өвчний эсрэг вакцин хийнэ
Улаанбаатарын дайны хүн ам Монголд ядуу байна
Бакалаврын боловсрол эзэмшээгүй 21 иргэнийг МАГИСТР-аар төгсгөхөөр завджээ
Хар тамхи хилээр нэвтрүүлэх оролдлогын 69 хувьд нь илгээмж ашиглажээ
К-Попын шинэ гүнж
Канад улс анх удаа АНУ-аас илүү тооны цагаач хүлээн авчээ
Боолчуудын үр удамд нөхөн олговор өгөх асуудал ширүүн маргаан дэгдээв
Иран улс АНУ-ын армийн дроныг буудаж унагаснаа зарлав
Дэлхийн коксжих нүүрсний зах зээлийн 8 хувийг Монгол нийлүүлжээ
Соёлын өвөө хэрхэн хамгаалж, арчилдаг талаар БНСУ-ын мэргэжилтнүүд зөвлөж байна
Наадмаар худалдаа үйлчилгээ явуулах ААН, иргэдийн хүсэлтийг авч байна
Наргиж цэнгэж явахдаа нялх хүүхдээ битгий дагуулж яваачээ
Хүн амьдрахад тохиромжтой хоёр гараг шинээр нээжээ