Энэ сарын 24-нд БНСУ-д болсон Азийн номер нэг ММА “ROAD FC” 33 дахь тэмцээний 70 кг-ийн жинд Монгол улсын боксын спортын Олон Улсын хэмжээний мастер М.Нандин-Эрдэнэ оролцож эзэн орны тамирчин Ки Вон Бинтэй тулалдлаа. Тэрээр тэмцээний нэгдүгээр үе эхэлмэгц, тулааныг гартаа оруулж, 1 минут 17 секундэд илт давуу ялалт байгуулжээ. Тус хоёр тамирчин өмнө нь найман удаа тулалдаж, манай тамирчин М.Нандин-Эрдэнэ долоон удаа ялж байсан юм. М.Нандин-Эрдэний хувьд “ROAD FC” мэргэжлийн холбоотой гэрээтэй цорын ганц Монгол тамирчин юм. Түүний дараагийн тулаан ирэх 11 сард болох бөгөөд тэрээр дараагийн тэмцээнийхээ бэлтгэлд ороод байгаа аж.