Монголын хошин урлагийн акулуудын нэг Гавьяат жүжигчин Д.Хүрэлхүүгийн охин Х.Намуун "Тагнуулч аав", “Шуугиан таригч” зэрэг кинонд тоглосноор олны танил болсон. Тэрээр 2013 онд МУИС-ийн ЭЗС-ийг төгссөн нэгэн. Тэгвэл Намуун маань өөрийн гэсэн "Wolarsen" брэнд уруулын будгийг бүтээжээ. Тэрээр хэлэхдээ “Миний маш удаан бодож боловсруулж бүх зүрх сэтгэлээ шингээн бүтээсэн "Wolarsen" матт уруулын будаг маань ийнхүү бэлэн болжээ. Өөрийнхөө хэмжээнд л бас хөөрхөн маш олон бүтэлгүйтэж, шаналан байж хийсэн болохоор ингээд бэлэн болчихсон байхыг нь хараад маш их баярлаж байна. Тун удахгүй худалдаанд гаргах болно” хэмээжээ.