Монгол гэрийг гадны архитекторууд бүтэц, зохион байгуулалтын хувьд архитектурын төгс шийдэлтэй хэмээн тодорхойлдог. Монгол гэрийн загвараас санаа авч  хийсэн зөөврийн сууц, барилга байгууламж ч цөөнгүй бий. Эдгээрийн нэг бол “Купольный дом” буюу бөмбөгөн гэр юм.

       HTTP://KO-STICK.RU сайтад бичсэнээр бөөрөнхий хэлбэр нь дизайны хувьд өвөрмөц төдийгүй хамгийн бат бөх байдлыг хадгалдаг байна. Гэрийн бөөрөнхий хэлбэр нь хүчтэй шуурга, хуй салхинд тэсвэртэй, цасны ачааллыг илүү даадаг, газар хөдлөлийг тэсвэрлэх чанар мөн давуу байдгийг тогтоожээ. Ийм төрлийн сууцыг газар хөдлөлийн идэвхитэй бүсэд оршдог Япон, Курилын арлуудад олноор барьж эхлээд байгаа аж. Мөн эрс тэс уур амьсгалтай ОХУ-ын аль ч бүс нутагт хэрэглэхэд тохиромжтой гэжээ. Геометрийн тэгш хэмт байдал нь тогтвортой байдлыг хангаад зогсохгүй, даацын хана хийснээр бүр илүү бат бэх болох гэнэ.

    Хамгийн сонирхолтой шийдэл нь гэр тэнхлэгээрээ эргэдэг. Гэрийг тэнхлэгээр нь эргүүлэх зориулалттай тусгай механизмыг суурилуулж өгсөн байна. Мөн байшин өөрөө нарны эрчим хүчийг ашиглах боломжтой байхаар бүтээгджээ.11.3 метр голчтой, 100,28 метр квадрат талбай бүхий  энэхүү байшингийн ханыг дулаан алдагдалгүй, цонхыг нарны гэрэл хангалттай нэвтрүүлж байхаар тооцож суурилуулжээ.

Байшингийн суурь

Дотоод засал