2024 ОНЫ ТӨСВИЙН ХУУЛЬТАЙ ХАМТ ӨРГӨН МЭДҮҮЛСЭН ХУУЛЬ, ТОГТООЛЫН ТӨСЛҮҮДИЙГ ХЭЛЭЛЦЛЭЭ

2023-10-30

2024 оны төсвийн хуультай хамт өргөн мэдүүлсэн хууль, тогтоолын төслүүдийг хэлэлцлээ

Төсвийн тухай хуульд нэмэлт, өөрчлөлт оруулах тухай, Ирээдүйн өв сангийн тухай хуулийг дагаж мөрдөх журмын тухай хуульд өөрчлөлт оруулах тухай, Үнэт цаасны зах зээлийн тухай хуульд нэмэлт оруулах тухай, Уул уурхайн бүтээгдэхүүний биржийн тухай хуульд нэмэлт оруулах тухай, Гаалийн тариф, гаалийн татварын тухай хуульд нэмэлт, өөрчлөлт оруулах тухай, Аж ахуйн нэгжийн орлогын албан татварын тухай хуульд нэмэлт, өөрчлөлт оруулах тухай, Төрийн болон орон нутгийн өмчийн хөрөнгөөр бараа, ажил, үйлчилгээ худалдан авах тухай хуульд нэмэлт оруулах тухай хуулийн төслүүдийн анхны хэлэлцүүлгийг Монгол Улсын Их Хурлын чуулганы хуралдааны дэгийн тухай хуулийн 39 дүгээр зүйлийн 39.10-т заасны дагуу зүйл бүрээр хэлэлцэв. Хуралдаанд оролцсон гишүүд асуулт асуух, зарчмын зөрүүтэй санал гаргах шаардлагагүй хэмээн үзсэн. 

Үргэлжлүүлэн Зөвшөөрлийн тухай хуульд нэмэлт, өөрчлөлт оруулах тухай хуулийн төслийн анхны хэлэлцүүлгийг явуулсан бөгөөд төслийн 1 дүгээр зүйлтэй холбогдуулан Улсын Их Хурлын гишүүн Х.Ганхуяг асуулт асууж, ажлын хэсгээс хариулт, мэдээлэл авсан юм. Төсөлтэй холбогдуулан зарчмын зөрүүтэй санал гаргах шаардлагагүй хэмээн үзсэн. Хуралдаан төсвийн төсөлтэй хамт өргөн мэдүүлсэн хууль, тогтоолын төслүүдийн анхны хэлэлцүүлгийг үргэлжилсэн.

Төр, хувийн хэвшлийн түншлэлийн тухай хуулийг дагаж мөрдөх журмын тухай хуульд нэмэлт, өөрчлөлт оруулах тухай хуулийн төслүүдийн анхны хэлэлцүүлгийг хийх үеэр төслийн 1 дүгээр зүйлтэй холбогдуулан Улсын Их Хурлын гишүүн Ц.Өнөрболор, Х.Ганхуяг нар тодруулга хийж, Сангийн сайд болон ажлын хэсгээс хариулт, мэдээлэл авав. Тус хуулийн төслийн анхны хэлэлцүүлэгтэй холбогдуулан гишүүд санал гаргах шаардлагагүй хэмээн үзлээ.

“Засгийн газрын үнэт цаас гаргах эрх олгох тухай” Улсын Их Хурлын тогтоолын төслийн анхны хэлэлцүүлэгтэй холбогдуулан Улсын Их Хурлын гишүүн Х.Ганхуяг асуулт асууж, ажлын хэсгээс хариулт, мэдээлэл авсан юм. Төсөлтэй холбогдуулан зарчмын зөрүүтэй санал гаргах шаардлагагүй хэмээн үзсэн. “Засгийн газрын өрийн баталгаа гаргах зөвшөөрөл олгох тухай” Улсын Их Хурлын тогтоолын төслийн анхны хэлэлцүүлгийг хийсэн юм. “Монгол Улсын 2024 оны төсвийн тухай хууль батлагдсантай холбогдуулан авах зарим арга хэмжээний тухай” Улсын Их Хурлын тогтоолын төслийн анхны хэлэлцүүлэгтэй холбогдуулан Улсын Их Хурлын гишүүн Ц.Цэрэнпунцаг хоёр санал гаргаж, уг саналуудаа тайлбарласан.

Ипотекийн зээлийн 60 хувийг орон нутагт олгох агуулга бүхий Ц.Цэрэнпунцаг гишүүний гаргасан саналтай холбогдуулан Улсын Их Хурлын гишүүн М.Оюунчимэг, Х.Ганхуяг, Н.Ганибал, Ж.Бат-Эрдэнэ нар байр сууриа илэрхийлж, тодруулга хийсэн. Ийнхүү хэлэлцсэний дараа дээрх саналуудыг дэмжих эсэхээр тус бүрд нь санал хураалт явуулахад хуралдаанд оролцсон гишүүдийн олонх дэмжсэн юм.

Түүнчлэн төсөлтэй холбогдуулан гаргасан Улсын Их Хурлын гишүүн Н.Ганибал саналаар санал хураалт явуулан шийдвэрлэлээ. Хуралдаанд оролцсон гишүүдийн олонх уг саналыг дэмжсэн. Байнгын хорооны хуралдаан “Засгийн газарт чиглэл өгөх тухай” Улсын Их Хурлын тогтоолын төслийн анхны хэлэлцүүлгээр үргэлжилсэн.

Төслийн анхны хэлэлцүүлэгтэй холбогдуулан Эдийн засгийн байнгын хорооны өнөөдрийн хуралдаанд оролцсон Улсын Их Хурлын гишүүд асуулт асууж, санал хэлэх шаардлагагүй хэмээн үзлээ. Ийнхүү Монгол Улсын 2024 оны төсвийн тухай хуулийн төсөлтэй хамт өргөн мэдүүлсэн хууль, тогтоолын төслүүдийн анхны хэлэлцүүлгийг хийж, энэ талаарх санал, дүгнэлтүүдээ Төсвийн байнгын хороонд хүргүүлэхээр боллоо.



Энэ мэдээ танд таалагдаж байвал LIKE хийгээрэй. Танд баярлалаа.

Соргог онцлох

НҮБ-ын Хөгжлийн Хөтөлбөр Ази, Номхон Далайн бүсийн хүний хөгжлийг ахиулахад ирээдүйд нийцсэн засаглалын чиглэлийг онцоллоо
2023 ОНЫ ХОЁР ДАХЬ ЭЛСЭЛТИЙН ЕРӨНХИЙ ШАЛГАЛТ ИРЭХ САРЫН 7-НООС ЭХЭЛНЭ
БОЛОВСРОЛ, ШИНЖЛЭХ УХААНЫ ЯАМНЫ АЛБАН ХААГЧИД ЖЕНДЭРТ СУУРИЛСАН ХҮЧИРХИЙЛЭЛТЭЙ ТЭМЦЭХ 16 ХОНОГИЙН АЯНД НЭГДЛЭЭ
“Хүүхэд хамгааллын тогтолцоог бэхжүүлэх нь” Монгол, Солонгосын хамтарсан хурал зохион байгууллаа
ХАМТЫН АЖИЛЛАГААНЫ ХҮРЭЭНД АЙМАГ БҮРИЙГ СТАНДАРТЫН ШААРДЛАГА ХАНГАСАН ХӨЛБӨМБӨГИЙН ТАЛБАЙТАЙ БОЛГОНО
Хиймэл оюун ухаан болон цэргийнхний нууц уулзалт болжээ
Монголын ноос, ноолуурын холбоо, үндэсний үйлдвэрлэгч аж ахуйн нэгжүүдийн удирдлагуудтай уулзлаа
АНУ-ын Ерөнхийлөгч Жо Байден, БНХАУ-ын дарга Ши Жиньпин нарын уулзалтаар "Хоёр улсын армийн харилцааг сэргээсэн" гэж мэдээлжээ
ЭЗБХ: “Төрөөс мөнгөний бодлогын талаар 2024 онд баримтлах үндсэн чиглэл батлах тухай” УИХ-ын тогтоолын төслийн анхны хэлэлцүүлгийг хийв
Улсын хэмжээнд 2024 онд мөрдөх хөдөлмөрийн хөлсний доод хэмжээг шинэчлэн тогтоолоо
Улсын хэмжээнд 2024 онд мөрдөх хөдөлмөрийн хөлсний доод хэмжээг шинэчлэн тогтоолоо
“МӨНХ ТЭНГЭРИЙН БИЧИГ-2023” МОНГОЛ УРАН БИЧЛЭГИЙН ШИЛДГҮҮД ТОДРОВ
“МОНГОЛЫН НУУЦ ТОВЧООН”-ЫГ ДЭЛГЭРЭНГҮЙ ТАЙЛБАРТАЙГААР БҮТЭЭЛЭЭ
“НЭГДСЭН ҮНДЭСНИЙ БАЙГУУЛЛАГЫН УУР АМЬСГАЛЫН ӨӨРЧЛӨЛТ, БИОЛОГИЙН ОЛОН ЯНЗ БАЙДАЛ, ЦӨЛЖИЛТТЭЙ ТЭМЦЭХ ТУХАЙ КОНВЕНЦУУДЫН ХЭРЭГЖИЛТИЙГ ХАНГАХ” ТАЛУУДЫН З
“ЕРӨНХИЙЛӨГЧИЙН ИЛГЭЭЛТ-2100” ТЭТГЭЛЭГТ ХӨТӨЛБӨРИЙН ОЮУТНУУД ЧЕХ УЛСАД ИРЖ ЭХЭЛЛЭЭ
“Б.Чимидийн нэрэмжит шагнал”-ын 2024 оны шалгаруулалт зарлагдлаа
Цаг ашиглалтын судалгаа” улс орон даяар үргэлжилж байна
Ханжоу-2023 Азийн зуны спортын IV пара наадамд амжилттай оролцсон тамирчдад хүндэтгэл үзүүллээ
БШУ-НЫ САЙД Л.ЭНХ-АМГАЛАН “БҮС БА ЗАМ” ОЛОН УЛСЫН ШИНЖЛЭХ УХААН, ТЕХНОЛОГИЙН ФОРУМД ИЛТГЭЛ ТАВИВ
Бүрэн эрхт төлөөлөгч Д.Оюунхорол 51.5 тэрбум төгрөг зарцуулна