Узбекистаны Ташкент хотноо болж буй Хүндийн өргөлтийн дэлхийн аварга шалгаруулах тэмцээнээс Монгол улсын Гавьяат тамирчин М.Анхцэцэг 87 кг-ын жинд амжилттай өрсөлдөж, алтан медаль хүртсэнээр дэлхийн аварга боллоо. Тэрбээр огцомоор 109 кг-ыг өргөж, дэд байрт бичигдэж байсан. Харин түлхэлттэйгээр 141 кг-ыг амжилттай өргөснөөр арын өрсөлдөгчөөсөө зургаан кг-аар илүү гарч, алтан медалийн эзэн боллоо.