Элсэлтийн ерөнхий шалгалт өнөөдөр буюу наймдугаар сарын 19-ний 10:00 цагт Монголын түүх хичээлээр эхэлнэ. Энэ жилийн элсэлтийн ерөнхий шалгалтыг наймдугаар сарын 19-22-ны өдрүүдэд зохион байгуулах юм. Шалгалтад 9250 багш, албан хаагч ажиллах аж.

     Цар тахалтай холбоотойгоор элсэлтийн ерөнхий шалгалтыг нийслэлд 40, орон нутагт 42 шалгалтын төвд зохион байгуулах ба нэг ангид 1.5-2.0 метрийн зайтай 12-15 сурагчид суухаар шалгалтын анги танхимыг бэлтгэсэн. Шалгуулагчид шалгалтад өөрийн суудлын хуваарьт заасан цаг, орох хэсгийн дагуу хамрагдана. Ташрамд дурдахад энэ жил элсэлтийн ерөнхий шалгалтыг 40420 суралцагч өгөхөөр бүртгүүлсэн. Энэ жил 12 дугаар ангийг 34811 суралцагч төгсөж байгаа бөгөөд 31782 нь элсэлтийн ерөнхий шалгалтад хамрагдахаар бүртгүүлсэн байна.

ЭЕШ-д орох сурагчдыг насны бүтцээр ангилбал:     

• 15-16 настай 27 шалгуулагч

• 17 настай 1675 шалгуулагч

• 18 настай 25082 шалгуулагч

• 19 настай 13636 шалгуулагч байна.