Хахууль авсан хэрэгт холбогдсон шүүгчдийн гэм буруутай, эсэхийг хэлэлцэж эхэллээ

2020-05-15

Arslan.mn

Дундговь аймгийн Гурвансайхан сумын нутаг дахь Салхитын мөнгөний ордын тусгай зөвшөөрлийн маргааныг шийдвэрлэхдээ анхан болон хяналтын шатны шүүхийн шүүгч нар 50 саяас дээш төгрөгийн хахууль авсан хэмээн буруутгагдан АТГ-ын Мөрдөн шалгах хэлтэст шалгуулж, НПГ-аас яллах дүгнэлт үйлдсэн хэргийг Хан-Уул дүүргийн Эрүүгийн хэргийн анхан шатны шүүхэд хэлэлцэж эхэллээ. НПГ-аас 2015 оны Эрүүгийн хуулийн 22.5-1, 22.4-2.4, 2002 оны Эрүүгийн хуулийн 268.1, 269.1 дэх хэсэгт заасан хээл хахууль авсан, өгсөн гэх үндэслэлээр яллах дүгнэлт үйлдсэн уг хэргийг өчигдөр 10.00 цагаас эхэлж хэлэлцсэн бөгөөд 19.00 цаг өнгөртөл хуралдан түр завсарлав. Нэг бус удаа хойшилсон шүүх хурал эхлэхэд прокурорын яллах дүгнэлтийг уншиж сонсгон, шүүгдэгч 15 хүний биеийн байцаалттай танилцаж, мэдүүлгийг нь сонсоод тэднээс өмгөөлөгч нар нь асуулт асууснаар шүүх бүрэлдэхүүн хурлыг завсарлуулсан байна.

Ш.Мөнгөншагай нарын 15 хүнд холбогдох хэрэгт анхан болон хяналтын шатны шүүхийн шүүгч нар хахууль авсан хэмээн буруутгагдаж буй бол тэдэнд нэр бүхий өмгөөлөгч нар зуучлан мөнгө хүргэж өгсөн. Түүнийх нь дагуу хэрэг хуваарилахаас авхуулаад иргэний хэргийн шүүхээр шийдвэрлэх хүртэлх үйл ажиллагаанд шүүгч нар оролцсон гэж яллаж буй билээ. Улсын дээд шүүхийн шүүгч Г.Цагаанцоож, Д.Цолмон, Захиргааны хэргийн давж заалдах шатны шүүхийн шүүгч Э.Халиунбаяр, Сонгинохайрхан дүүргийн Иргэний хэргийн анхан шатны шүүхийн ерөнхий шүүгч Б.Цолмонбаатар, Чингэлтэй дүүргийн Иргэний хэргийн анхан шатны шүүхийн ерөнхий шүүгч Б.Сайханцэцэг нарын гэм буруутай, эсэхийг хэлэлцэх шүүх хурал өнөөдөр 09.00 цагаас үргэлжлэх юм.

Уг хэрэгт холбогдсон Улсын дээд шүүхийн шүүгч Ц.Амарсайхан хилийн чанадад эмчилгээ хийлгэхээр явсан тул түүнд холбогдох, МӨХ-ны ерөнхийлөгчөөр ажиллаж байсан Б.Пүрэвнямаар дамжуулан хахууль авсан байж болзошгүй гэх үйлдлийг нь тусгаарласан билээ. Дээр нэр дурдсан таван шүүгчээс гадна хахууль өгсөн, зуучилсан гэх хэрэгт холбогдсон Ш.Мөнгөншагай, Г.Жаргалан, Ц.Өнөрцэцэг, Ж.Цэцгээ, Ч.Амгаланбаяр, М.Цэндсүрэн, Ш.Энхтөр, Н.Уранчимэг, С.Оюунбат, Хан-Уул дүүргийн Цагдаагийн I хэлтсийн Мөрдөн байцаах тасгийн дарга асан, хошууч Г.Алтан-Очир зэрэг шүүгдэгчдийн гэм буруутай, эсэхийг хэлэлцэх хурал нотлох баримт шинжлэн судлах ажиллагаагаар өнөөдөр үргэлжлэх гэнэ.

Бэлтгэсэн: Г.Равжаа

Эх сурвалж: Өнөөдөр сонин

Сэтгэгдэл үлдээх



Энэ мэдээ танд таалагдаж байвал LIKE хийгээрэй. Танд баярлалаа.

Соргог онцлох

Нэг өрхийн сарын дундаж бодит нийт орлого өмнөх улирлаас 6.6 хувиар өслөө
Үндсэн хуулийн цэц хуралдана
Энэ жилийн хамгийн үнэтэй 10 автомашины брэнд
Б.Хурц нарын есөн хүнд холбогдох гэм буруугийн шүүх хурал өнөөдөр болно
Д.Нямхүү: Дахин хоёр хүн эмчилэгдэж, ХӨСҮТ-ээс гарлаа
Баянзүрх дүүрэгт МАН-аас рейтинг өндөртэй улстөрчид үзэх нь
Хулгайлсан автомашиныхаа арлын дугаарыг өөрчлөн зарж борлуулах гэж байсныг илрүүллээ
Хотын төвийн авто зогсоолуудыг нэгдсэн менежментэд оруулж эхэллээ
Алтанбулаг боомтоор орж ирсэн 205 иргэнийг Орхон, Сэлэнгэ, Дархан-Уул аймагт тусгаарлажээ
Улаанбаатар хотод эм, эмнэлэгийн хэрэгслийн төвлөрсөн агуулахыг барьж байгуулна
Узбекистанд их, дээд сургуулийн элсэлтийн шалгалтыг хялбаршуулсан хэлбэрээр зохион байгуулна
Шүүх Э.Оюунболд аваргын нэхэмжлэлийг хэрхэн шийдэх вэ?
БНХАУ-ын пуужин Атлантын далайд унаж дэлбэрчээ
Хахууль авсан хэрэгт холбогдсон шүүгчдийн гэм буруутай, эсэхийг хэлэлцэж эхэллээ
Сонгуулийн маргааш л бут үсрэх Ардчилсан намын түр эвлэрэл
COVID-19: Халдварласан хүний тоо 4,525,000 давж, 303,371 хүн нас баржээ
Хамгийн олон хууль санаачилж батлуулсан гишүүд
УИХ-ын сонгуульд нэр дэвшигчдийн ХОМ авах сүүлийн хугацаа энэ сарын 19
Хэнтий аймагт орон нутгийн замын хөдөлгөөнийг хязгаарлана
Цаг агаарын гамшигт үзэгдлээс сэрэмжлүүлж байна!