ХААН банк шинээр зургаан байршилд тооцооны төвөө нээлээ

2019-12-12

IMG_0997

IMG_1029

Өнөө цагт харилцагчид аль болох тав тухтай, найрсаг орчинд шуурхай үйлчилгээ авахыг илүүд үзэх болсон. Үүнийг дагаад бизнесийн ертөнцөд шинэ өрсөлдөөн бий болж, зах зээлийн эрэлт тэр чигтээ өөрчлөгдөөд буй билээ.

ХААН Банк энэхүү хурдтай өөрчлөлтөд хөл нийлүүлж, банкны үйлчилгээг харилцагчдадаа илүү ойртуулж, шуурхай, хүртээмжтэй үзүүлэхийг эрмэлзэн ажиллаж байна. Энэ ажлын хүрээнд орон даяар байрлах бүх тооцооны төвүүдийн үйлчилгээний танхимын зай талбайг 20-30 хувиар нэмэгдүүлж, илүү саруулхан болгон харилцагчид ая тухтай, чанартай үйлчилгээ үзүүлэх боломжийг бүрдүүлэн нэгдсэн стандарт тохижилттой болгох ажлыг сүүлийн жилүүдэд эрчимтэй хийж буй.

Улаанбаатар хотын хувьд нийт 87 байршилд ХААН Банкны тооцооны төв байдгаас нэгдсэн стандарт тохижилттой болгох ажлыг бүрэн хийж дуусгаад буй төдийгүй харилцагчдын хүсэлт, хэрэгцээ шаардлагын дагуу 30 тооцооны төвийн байршилд өөрчлөлт оруулаад байна. Мөн энэ жил хотын төвд шинээр зургаан тооцооны төв нээгээд байна.

Шинэ тооцооны төвийн нэр, хаяг байршил:

  • МУИС тооцооны төв (Сүхбаатар дүүрэг 6-р хороо, Бага тойруу 2-р байр 1-р давхар)
  • Улаанбаатар галлериа төвлөрсөн тооцооны төв (Сүхбаатар дүүрэг 8-хороо, “Галлериа Улаанбаатар” худалдаа үйлчилгээний төвийн 2 давхар)
  • Бөхийн өргөө тооцооны төв (Баянзүрх дүүрэг 6-р хороо, 13-р хороолол, 13373-8В байр)
  • Залуучуудын өргөн чөлөө тооцооны төв (Чингэлтэй дүүрэг 4-р хороо, Наранпоинт худалдаа үйлчилгээний төв)
  • Сэлбэ тооцооны төв (Сүхбаатар дүүрэг 1-р хороо, Нар-Урт ХХК байр)
  • Баянгол тооцооны төв (Баянгол дүүрэг 4-р хороо, “УБ Платинум” оффисын 1 давхар)

Мөн нэгдсэн стандарт тохижилтын хүрээнд харилцагч ХААН Банкны үйлчилгээний танхимд ороход л хаанаас, ямар үйлчилгээ авах нь ойлгомжтой харагдахаас гадна хүлээлгийн танхим болон уулзалтын өрөөг тусад нь шийдэж өгснөөрөө онцлог юм. Харилцагчийн мэдээллийн нууцлалыг хадгалах үүднээс зээл болон шаардлагатай бусад үйлчилгээ авахад нь зориулсан тусгай бүхээг бүхий тохижилтыг нэвтрүүлээд байна. Түүнчлэн харилцагчтай илүү ойр байж, шуурхай үйлчилгээ үзүүлэх, шаардлагатай тусламж дэмжлэг үзүүлэх зорилгоор тооцооны төвийн захирлын өрөөг үйлчилгээний танхимтай зэрэгцээ байрлуулсныг мөн онцлууштай.

ХААН Банк зөвхөн үйлчилгээний заал танхимыг шинэчлэн тохижуулаад зогсохгүй харилцагчдад үзүүлэх үйлчилгээний чанар, стандартыг илүү сайжруулахаар шат дараатайгаар шинэлэг ажлууд нэвтрүүлж буйг та бүхэн анзаарсан байх. Тухайлбал, тооцооны төв бүр Харилцагчийн зөвлөх ажилтантай болсон төдийгүй харилцагчдыг угтаж, чиглүүлэх, цахим бүтээгдэхүүн үйлчилгээ хэрэглэж хэвшихэд нь зааж сургах, туслах үүргийг тэд хүлээж буй юм.

Өнгөрсөн хугацаанд ХААН Банкны зүгээс харилцагчдын хүлээлгийн хугацааг багасгах зорилгоор салбар, тооцооны төвүүд дэх бэлэн болон бэлэн бус гүйлгээг төрөлжүүлэн, есөн тооцооны төвд энэ ажлыг туршилтаар хийж буй нь амжилттай үргэлжилж байна. Мөн цахим шинэчлэлийн хүрээнд бүх тооцооны төвийн гүйлгээ зааланд таблетууд байршуулсан бөгөөд харилцагч өөртөө карт захиалах, интернэт банк үйлчилгээнд бүртгүүлэх, данс нээх, бэлэн бус гүйлгээ хийх боломжийг бүрдүүлээд байна.

Монгол Улсын нийт өрхийн 70 орчим хувь буюу 2.4 сая харилцагчид 550 гаруй салбар нэгжээрээ дамжуулан банк санхүүгийн иж бүрэн үйлчилгээг найдвартай, тогтвортой, шуурхай хүргэдэг ХААН Банкны хамт олон энэхүү шинэчлэлийг орон нутаг дахь салбар, тооцооны төвүүдэд энэ оны эхнээс нэвтрүүлсэн бол ирэх хоёр жилийн хугацаанд бүрэн хэрэгжүүлж дуусгах төлөвлөгөөтэй ажиллаж байна

Сэтгэгдэл үлдээх



Энэ мэдээ танд таалагдаж байвал LIKE хийгээрэй. Танд баярлалаа.

Соргог онцлох

Нэг өрхийн сарын дундаж бодит нийт орлого өмнөх улирлаас 6.6 хувиар өслөө
Үндсэн хуулийн цэц хуралдана
Энэ жилийн хамгийн үнэтэй 10 автомашины брэнд
Б.Хурц нарын есөн хүнд холбогдох гэм буруугийн шүүх хурал өнөөдөр болно
Д.Нямхүү: Дахин хоёр хүн эмчилэгдэж, ХӨСҮТ-ээс гарлаа
Баянзүрх дүүрэгт МАН-аас рейтинг өндөртэй улстөрчид үзэх нь
Хулгайлсан автомашиныхаа арлын дугаарыг өөрчлөн зарж борлуулах гэж байсныг илрүүллээ
Хотын төвийн авто зогсоолуудыг нэгдсэн менежментэд оруулж эхэллээ
Алтанбулаг боомтоор орж ирсэн 205 иргэнийг Орхон, Сэлэнгэ, Дархан-Уул аймагт тусгаарлажээ
Улаанбаатар хотод эм, эмнэлэгийн хэрэгслийн төвлөрсөн агуулахыг барьж байгуулна
Узбекистанд их, дээд сургуулийн элсэлтийн шалгалтыг хялбаршуулсан хэлбэрээр зохион байгуулна
Шүүх Э.Оюунболд аваргын нэхэмжлэлийг хэрхэн шийдэх вэ?
БНХАУ-ын пуужин Атлантын далайд унаж дэлбэрчээ
Хахууль авсан хэрэгт холбогдсон шүүгчдийн гэм буруутай, эсэхийг хэлэлцэж эхэллээ
Сонгуулийн маргааш л бут үсрэх Ардчилсан намын түр эвлэрэл
COVID-19: Халдварласан хүний тоо 4,525,000 давж, 303,371 хүн нас баржээ
Хамгийн олон хууль санаачилж батлуулсан гишүүд
УИХ-ын сонгуульд нэр дэвшигчдийн ХОМ авах сүүлийн хугацаа энэ сарын 19
Хэнтий аймагт орон нутгийн замын хөдөлгөөнийг хязгаарлана
Цаг агаарын гамшигт үзэгдлээс сэрэмжлүүлж байна!