АНУ-ын Массачусетс мужид 87 настай эмэгтэй хүүхдүүдэд зориулан гурван сарын турш 75 малгай нэхжээ. Ингэснээр хүүхдүүд хүйтэн өвлийг дулаахан давах боломжтой гэж бодсон байна.

Нэрээ нууцлахыг хүссэн уг эмэгтэй нэг малгайг нэхэж дуусгахад нэг өдрийг зарцуулсан гэнэ. Тэрбээр “Би үүнийг хийх дуртай. Хэн нэгний төлөө сайн сайхан зүйл хийх нь надад маш сайхан мэдрэмж өгдөг. Жижигхэн зүйл зарим хүний хувьд том утга учиртай байдаг” хэмээн ярьжээ.

Түүний охин ээжийнхээ нэхсэн 75 ширхэг малгайг уутанд хийгээд “Nelson” цэцэрлэгт хүрээлэнгийн хашаанд өлгөсөн байна. Тэндээс хүүхдүүд өөрт таарсан малгайгаа авах боломжтой аж.

Энэ эмэгтэй зөвхөн хүүхэд төдийгүй гэр оронгүй хүмүүст ч гэсэн малгай нэхэж тараажээ. Хэн ч баатар байж болно. Түүний арьс үрчлээтэж, залуу байхаа больсон байж болно. Гагцхүү түүний бусдад туслах сайхан сэтгэл одоог хүртэл өөрчлөгдөөгүй. Тэр цаашид олон аав, ээжийн хүүхдүүдийг дулаан байлгах уг сайн үйлсийн аянаа үргэлжлүүлэх юм байна.

Энэхүү түүх хүмүүсийн зүрхэнд хүрч, нүүрэнд нь инээмсэглэл тодруулжээ. Сайхан сэтгэл хэзээ ч хуучирдаггүй.

Эх сурвалж: mypositiveoutlooks.com