“Баавгай хэзээ ч гарч ирэх эрсдэлтэй тул, сэрэмжил”

2019-10-25

“Баавгай хэзээ ч гарч ирэх эрсдэлтэй тул, сэрэмжил”

Энэ зун, намрын шуугианы эзэн баавгай болоод байна. Тухайлбал, энэ сарын 3-нд Сэлэнгэ аймгийн Ерөө сумын Могойтын аманд нутаглаж байсан айл руу баавгай дайрч, аав, хүү хоёрын аминд хүрсэн харамсалтай хэрэг гарсан. Мөн саяхан Хэнтий аймгийн Батширээт суманд нэгэн баавгай айлын гэрийг сүйтгэсэн хэрэг гарсан. Азаар тухайн айл эзгүй байсан юм. Улмаар тус баавгайг нутгийн иргэд буудаж устгажээ.

Түүнчлэн өнгөрсөн амралтын өдрүүдэд Хандгайтын эхэнд, Улиастайн Шарын аманд баавгайн мөр илэрсэн бөгөөд уг мөр нь нас бие гүйцсэн баавгайнх болохыг мэргэжилтнүүд тогтоосон билээ. Үүнтэй холбоотойгоор холбогдох байгууллагууд шуурхай алба байгуулан нийслэлийн ногоон бүсэд байгаа баавгайг илрүүлэх ажил зохион байгуулж байгаа. Энэ ажилтай зэрэгцэн сошиал орчинд “Богдхан ууланд, Их тэнгэрийн аманд баавгай харагдлаа, баавгайн баас байна, баавгай нийслэлтэй тун ойр ирсэн байна” гэсэн мэдээлэл түгэх болов.

Нийслэлд “нуугдсан” дээрх баавгайтай холбоотой асуудлыг нийслэлийн Байгаль орчны газрын малын эмч Г.Цэрэнноровоос тодрууллаа. Тэрбээр “Богдхан уул, Их тэнгэрийн аманд баавгайн мөр илэрсэн гэдэг нь батлагдаагүй мэдээлэл. Харин Хандгайтын эхэнд, Улиастайн Шарын амаас дахин мөр илрээгүй. Тиймээс тухайн баавгайг хөвч рүүгээ явсан гэж үзэж байна. Гэхдээ идэш тэжээл хайсан баавгай хэзээ ч гараад ирж магадгүй тул иргэд сэрэмжтэй байх нь чухал” гэсэн юм.

Нийслэлийн Байгаль орчны газраас явуулсан 2016 оны тооллогоор нийслэлийн ногоон бүсэд нэг ч баавгай байдаггүй болох нь тогтоогдсон юм. Харин 2018 онд нийслэлийн ногоон бүсээс хоёр баавгай илэрч, холбогдох байгууллагууд тухайн баавгайг байгальд нь буцаасан удаатай. Харин энэ намар Гачууртын Шарын хоолойгоос нэг баавгайг илрүүлж мөн байгальд нь нутагшуулжээ.

Энэ жил самар, жимс ховор ургасантай холбоотойгоор баавгай идэш тэжээл хайж улмаар ийм асуудал үүсгэж байгаа гэж судлаачид үзэж байгаа юм.

БААВГАЙНААС ӨӨРИЙГӨӨ ХАМГААЛАХ ЗӨВЛӨМЖ

  • Хотын ногоон бүсэд ганцаараа зорчихоос зайлсхийж бага насны хүүхдийг харгалзах хүнгүйгээр явуулахгүй байхыг анхааруулж байна.
    • Араатан амьтад идэш тэжээлээ барьсан эсвэл шархадсан, хүнтэй гэнэт тулгарсан үедээ дайрах нь бий. Ийм нөхцөлд хашхирах, алгаа таших, төмөр эд харшуулах зэргээр чанга дуу чимээ гаргах, мод, чулуу шидэх, бөөнөөр зогсож олноор байгаагаа мэдэгдэх зэрэг арга хэмжээ авах хэрэгтэй.
    • Зэрлэг амьтны үр төлтэй таарвал тусламж үзүүлэх, зураг авах, бичлэг хийх гэж оролдолгүйгээр даруй холдон явахыг анхааруулж байна. Учир нь эх амьтан идэш тэжээл хайж явахдаа ч төлтэйгөө ямагт ойрхон байх бөгөөд тэднийгээ хамгаалахын тулд догшин авир гаргах нь олонтаа.
    • Хэрэв баавгай, чоно, шилүүс зэрэг махчин амьтантай таарвал зугтахгүйгээр арагш аажим ухрах, нүд рүү нь эгц харахгүй, гараа өргөх, гадуур хувцсаа дэлгэн овор хэмжээтэй харагдуулахыг хичээх хэрэгтэй ба нуруугаа харуулахгүй байх нь зүйтэй.
    • Нийслэлийн ногоон бүсэд бамбай хоншоорт /хортой/, рашааны /хоргүй/ могой элбэг тохиолдоно. Өндөр өвстэй газар аль болох явахгүй байх, урт түрийтэй гутал өмсөх зэргээр могойд хатгуулахаас сэргийлэх боломжтой. Хатгуулсан тохиолдолд гар хөлийг чиг барьж боох, их хэмжээний шингэн уулгах, хэвтээ байдлаар зөөж яаралтай эмнэлэгт хүргэх нь зүйтэй.
    Түүнчлэн нийслэл хотод зэрлэг ан амьтан орж ирсэн тохиолдолд Нийслэлийн байгаль орчны газрын 11-318003, Нийслэлийн шуурхай мэдээллийн 11-310005 утсанд мэдээлэхийг мэргэжлийн байгууллагууд анхааруулж байна.

Сэтгэгдэл үлдээх



Энэ мэдээ танд таалагдаж байвал LIKE хийгээрэй. Танд баярлалаа.

Соргог онцлох

Нэг өрхийн сарын дундаж бодит нийт орлого өмнөх улирлаас 6.6 хувиар өслөө
Үндсэн хуулийн цэц хуралдана
Энэ жилийн хамгийн үнэтэй 10 автомашины брэнд
Б.Хурц нарын есөн хүнд холбогдох гэм буруугийн шүүх хурал өнөөдөр болно
Д.Нямхүү: Дахин хоёр хүн эмчилэгдэж, ХӨСҮТ-ээс гарлаа
Баянзүрх дүүрэгт МАН-аас рейтинг өндөртэй улстөрчид үзэх нь
Хулгайлсан автомашиныхаа арлын дугаарыг өөрчлөн зарж борлуулах гэж байсныг илрүүллээ
Хотын төвийн авто зогсоолуудыг нэгдсэн менежментэд оруулж эхэллээ
Алтанбулаг боомтоор орж ирсэн 205 иргэнийг Орхон, Сэлэнгэ, Дархан-Уул аймагт тусгаарлажээ
Улаанбаатар хотод эм, эмнэлэгийн хэрэгслийн төвлөрсөн агуулахыг барьж байгуулна
Узбекистанд их, дээд сургуулийн элсэлтийн шалгалтыг хялбаршуулсан хэлбэрээр зохион байгуулна
Шүүх Э.Оюунболд аваргын нэхэмжлэлийг хэрхэн шийдэх вэ?
БНХАУ-ын пуужин Атлантын далайд унаж дэлбэрчээ
Хахууль авсан хэрэгт холбогдсон шүүгчдийн гэм буруутай, эсэхийг хэлэлцэж эхэллээ
Сонгуулийн маргааш л бут үсрэх Ардчилсан намын түр эвлэрэл
COVID-19: Халдварласан хүний тоо 4,525,000 давж, 303,371 хүн нас баржээ
Хамгийн олон хууль санаачилж батлуулсан гишүүд
УИХ-ын сонгуульд нэр дэвшигчдийн ХОМ авах сүүлийн хугацаа энэ сарын 19
Хэнтий аймагт орон нутгийн замын хөдөлгөөнийг хязгаарлана
Цаг агаарын гамшигт үзэгдлээс сэрэмжлүүлж байна!