Японы бизнесмэн $830,000-ын үнэтэй бугуйн цагаа Парист дээрэмдүүлжээ

2019-10-10

Японы нэгэн бизнесмэн $830,000-ын үнэтэй бугуйн цагаа Парис хотын төвд дээрэмдүүлсэн тухай Францын цагдаагийн газар өчигдөр мэдээлжээ.

Хохирогч Даваа гарагийн орой Элисейн өргөн чөлөөнд орших таван одтой Наполеон зочид буудлаас тамхилахаар гарсан байна. Гэтэл түүн рүү нэг хүн ойртож ирээд гал асуужээ. Японы иргэн гал өгөхөөр гараа сунгах үед дээрэмчин бугуйн цагийг нь салгаж аваад зугтсан байна.

Алдагдсан эд нь Швейцар урчуудын бүтээл болох Richard Mille Tourbillion Twister хэмээх үнэт чулуун шигтгээтэй цаг байжээ.

Түүний үнэ $830,000 хүрдэг бөгөөд хэт өндөр үнэтэй эдлэл алдагдсан тул хэргийг зохион байгуулалттай гэмт хэрэгтэй тэмцэх албанд шилжүүлжээ.

Парис хотод сүүлийн үед үнэтэй тансаг цагны хулгай газар аваад байгаа.

Энэ оны эхний найман сарын байдлаар нийт 71 цаг алдагджээ. Долдугаар сард нэг өдөрт дөрвөн цаг хулгайлагдсан хэрэг гарсан байна. Тэдгээрийн үнэлгээ нийлээд 190,000 евро болжээ.

Хулгайн цагнууд хар зах дээр үндсэн үнийнхээ 30-50 хувиар зарагддаг байна. Парис хотод зөвхөн бугуйн цагаар мэргэшсэн хулгайч, дээрэмчид бий болоод байгааг эх сурвалж мэдээлжээ.

Тэд хүний бугуйнаас цагийг нь булаах янз бүрийн арга техник боловсруулсан байдаг гэнэ.

Сэтгэгдэл үлдээх



Энэ мэдээ танд таалагдаж байвал LIKE хийгээрэй. Танд баярлалаа.

Соргог онцлох

980.0 мянган хүүхдэд 169.5 тэрбум төгрөгийг хүүхдийн мөнгөн тэтгэмж болгон олгожээ
Караокены галд өртсөн 16 хүн ГССҮТ-д эмчлүүлж байна
Энэ өдөр дэлхийн түүхэнд
Биатлоны домогт хос Хятадын шигшээг дасгалжуулж эхэллээ
Японд жаран жил тохиогоогүй гамшиг нүүрлэв
Замын цагдаагийн газрын ойролцоох гүүрэн гарцын U turn буюу буцах эргэлтийн хөдөлгөөнийг нээжээ
Хан-Уул дүүргийн алслагдсан хороодын иргэдэд төрийн үйлчилгээ хүрч ажиллалаа
Арван дөрвөн тарваганы арьстай хөлдөөсөн мах нийслэл рүү нэвтрүүлэхийг завджээ
Үе мөчний саажилттай ч пара бодибилдингийн ААШТ-ий цомын эзэн болсон М.Гантулга
Бага насны хүүхэд цонхоор унах гэж байсныг эсэн мэнд аварчээ
Малын хулгайтай тэмцэх хуульд ямар өөрчлөлт оруулах вэ
Филиппиний ерөнхийлөгчийн туслах иргэдийн шаардлагыг хүлээн авч нийтийн тээврээр ажилдаа иржээ
Бокс: Эррол Спенс Жуниор автомашины осолд оржээ
Халимагт Чингис хааны хөшөөг босгожээ
Мигель Диас-Канель Кубын Ерөнхийлөгч болжээ
Наоми Осака АНУ-аас татгалзаж, Япон улсын иргэн боллоо
Дорноговь аймагт 3.8 магнитудын хүчтэй газар хөдлөлт болжээ
Украины ерөнхийлөгч хамгийн урт хэвлэлийн хурал зохион байгуулж, дэлхийн дээд амжилтыг тогтоожээ
Хөрөг бүтэх агшин
Сэлбэ голын эрэг дагуу 2562м.кв талбайд амралт зугаалгын тохижилттой талбай байгууллаа