Тайваниас харилцаагаа тасалсан Соломоны арлуудын ерөнхий сайдтай АНУ-ын дэд ерөнхийлөгч уулзахаас татгалзжээ

2019-09-18

Соломоны арлуудын ерөнхий сайд, Тайваний ерөнхийлөгч нар

 

Саяхан Номхон далайн Соломоны арлууд улс Тайвань арлаас дипломат харилцаагаа тасалж, Бээжинтэй түншлэхээр болсон билээ.

Ингэснээр энэ улс нь 2016 оноос хойш түншээрээ Тайванийг эх газрын Хятадаар сольсон зургаа дахь улс болж байна.

Тэгвэл Соломоны арлуудын ерөнхий сайдтай энэ сард хийхээр төлөвлөж байсан уулзалтаа АНУ-ын дэд ерөнхийлөгч Майк Пэнс цуцалсан талаар Цагаан ордны эх сурвалж мэдээлжээ.

Соломоны ерөнхий сайд Манассех Согаваре өнгөрсөн долдугаар сард Пэнстэй ярилцах хүсэлтээ илэрхийлж, энэ сард Нью Йорк хотод болох НҮБ-ын ерөнхий ассамблейн чуулганы үеэр уулзах гэж байсан юм.

“Соломоны арлууд улс дипломат хэлхээ холбоогоо Тайваниас БНХАУ руу шилжүүлсэн нь ийм үр дүнд хүргэж байна. Тус улсын эрх баригчид түүхэн харилцааг сүйрүүлэх алхам хийсэн. АНУ-тай урт хугацаанд түншлэх амлалтаа Хятадтай үүсгэсэн богино хугацааны ашиг сонирхлоор сольж байна” гэж албаны эх сурвалж тайлбарлажээ.

Америк-Хятадын сөргөлдөөний нэг халуун цэг нь Тайваний асуудал болдог. 1949 онд тусгаар тогтнолоо зарласан Тайванийг эх газрын Хятад өөрийн салшгүй хэсэг гэж үздэг юм.

Харин АНУ-ын засаг захиргаа Тайванийг дэмжих бодлого барьж, зэр зэвсэг нийлүүлдэг.

Соломоны арлууд хэлхээ холбоогоо тасалсны дараа Тайвань нь дэлхийн 16 улстай дипломат харилцаатай үлдэж байна. Тэдгээр нь голдуу Төв Америк, Номхон далайн хөгжил буурай, жижиг улсууд байгаа юм.

Британийн колони байсан, 600,000 хүн амтай Соломоны арлууд улс гэхэд Номхон далайн бүс нутагт Тайваний хамгийн том түнш байв.

 

Эх сурвалж: Reuters

Сэтгэгдэл үлдээх



Энэ мэдээ танд таалагдаж байвал LIKE хийгээрэй. Танд баярлалаа.

Соргог онцлох

Нэг өрхийн сарын дундаж бодит нийт орлого өмнөх улирлаас 6.6 хувиар өслөө
Үндсэн хуулийн цэц хуралдана
Энэ жилийн хамгийн үнэтэй 10 автомашины брэнд
Б.Хурц нарын есөн хүнд холбогдох гэм буруугийн шүүх хурал өнөөдөр болно
Д.Нямхүү: Дахин хоёр хүн эмчилэгдэж, ХӨСҮТ-ээс гарлаа
Баянзүрх дүүрэгт МАН-аас рейтинг өндөртэй улстөрчид үзэх нь
Хулгайлсан автомашиныхаа арлын дугаарыг өөрчлөн зарж борлуулах гэж байсныг илрүүллээ
Хотын төвийн авто зогсоолуудыг нэгдсэн менежментэд оруулж эхэллээ
Алтанбулаг боомтоор орж ирсэн 205 иргэнийг Орхон, Сэлэнгэ, Дархан-Уул аймагт тусгаарлажээ
Улаанбаатар хотод эм, эмнэлэгийн хэрэгслийн төвлөрсөн агуулахыг барьж байгуулна
Узбекистанд их, дээд сургуулийн элсэлтийн шалгалтыг хялбаршуулсан хэлбэрээр зохион байгуулна
Шүүх Э.Оюунболд аваргын нэхэмжлэлийг хэрхэн шийдэх вэ?
БНХАУ-ын пуужин Атлантын далайд унаж дэлбэрчээ
Хахууль авсан хэрэгт холбогдсон шүүгчдийн гэм буруутай, эсэхийг хэлэлцэж эхэллээ
Сонгуулийн маргааш л бут үсрэх Ардчилсан намын түр эвлэрэл
COVID-19: Халдварласан хүний тоо 4,525,000 давж, 303,371 хүн нас баржээ
Хамгийн олон хууль санаачилж батлуулсан гишүүд
УИХ-ын сонгуульд нэр дэвшигчдийн ХОМ авах сүүлийн хугацаа энэ сарын 19
Хэнтий аймагт орон нутгийн замын хөдөлгөөнийг хязгаарлана
Цаг агаарын гамшигт үзэгдлээс сэрэмжлүүлж байна!