МҮИС-ийн удирдлагуудаа нисэхийн салбарт боловсон хүчин бэлтгэнэ гэдэг тоглоом биш

2019-08-30

МҮИС-ийн удирдлагуудаа нисэхийн салбарт боловсон хүчин бэлтгэнэ гэдэг тоглоом биш

МҮИС нисгэгч бэлтгэх нь гэх мэдээлэл хэдхэн хоногийн өмнө цахим орчинд олны анхаарлыг татлаа. Тодруулбал, МҮИС Нисгэгч, Агаарын тээврийн үйлчилгээ, Нисэх техник механик, Алсын жолоодлоготой нислэг буюу Дронны гэх дөрвөн анги нээжээ. Тэд анхны элсэлтээ сүр дуулиантайгаар авч, үйл ажиллагаагаа эхлэж байгаагаа зарлав. Тэгвэл  МҮИС-ийн төгсөгчид иргэний нисэхийн салбарт хүлээн зөвшөөрөгдөж чадах уу гэх асуулт олон нийтийн анхаарлыг татаж байна.

Иймээс Монгол Улс иргэний нисэхийн салбар боловсон хүчнээ хэрхэн бэлтгэдэг вэ? гэх мэдээллийг хүргэе.
 


ИНЕГ-ийн Нисэхийн сургалтын төв  бий. Энд компаниуд болон бусад алба салбар, хэлтэс, нэгжүүдэд зориулан нисэхийн англи хэл, Нислэгийн удирдагчийн сургалт, нисэхийн аюулгүй байдал зэрэг олон сургалтыг зохион байгуулдагаас гадна зэрэглэл олгохоос бусад төрлийн анхан болон ажлын байрны, сэргээх, шилжих, онцгой тохиолдлын гэх мэт сургалтуудыг явуулдаг. Нэг үгээр нисэхийн сургалтын төв нь нисэхийн салбарт ажилладаг нарийн мэргэжлийн хүмүүсийг байнга давтан сургалтад хамруулж, шинээр улс орнууд ийм техник технологио шинэчилж байгаа болон олон улсын дүрэм журмын өөрчлөлттэй холбоотой мэдээллээр хангаж байдаг гэсэн үг.  


Мөн Нисэхийн сургалтын төв ИКАО /Олон улсын иргэний нисэхийн байгууллага /-ын заасан шаардлагын дагуу хичээлийн программын дагуу сургалт хийж, хөтөлбөрөө боловсруулж, тодорхой шаардлага хангасан багш, боловсон хүчнээ гэрчилгээжүүлж, эсвэл олон улсын багш урьж сургалт явуулдаг байна. Түүнчлэн ИНЕГ иргэний нисэх боловсон хүчнээ бодлогоор дэмжиж ажилладаг байгуулага. Энэ дагуу гадаадад тусгай гэрчилгээжсэн их дээд сургуульд эхний нэг жилдээ элсэн ороод суралцаж байгаа хүүхдүүдийн ирүүлсэн материалыг хэлэлцэж, гэрээ хийж үлдсэн жилүүдийнх нь сургалтын төлбөрийг хариуцан ажилладаг байна.

Харин Монголдоо агаарын хөлгийн инженерийн хувьд ШУТИС-ийн Механик инженерийн анги төгссөн хүүхдүүдээс сонгон авч улмаар олон улсын давтан сургалтад хамруулж боловсон хүчнээ бэлтгэдэг аж. Нэг үгээр Механик инженерийн сургуулийг дэмжиж хамтарч ажилладаг гэсэн үг.


Тэгвэл Иргэний нисэхийн ерөнхий газар өнөөдрийн байдлаар Монголын Үндэсний сургуультай  ямар нэгэн уялдаа холбоо хамтын ажиллагаа байхгүй 


Нэг үгээр нисэхийн салбарт дөрвөн мэргэжлээр элсэлт авч эхэлсэн тус сургууль  салбарынхантай нь ямар нэгэн уялдаа холбоогүй ажиллаж байгаа гэсэн үг. Тэгэхээр МҮИС-тай ямар нэг хамтын ажиллагаагүй учраас тус сургуульд төгссөн хүүхдүүд Монголдоо хүлээн зөвшөөрөгдөж ИНЕГ-т ажилд орох эсэх нь эргэлзээ дагуулж байна.

Учир нь нисэхийн чиглэлийн мэргэжил эзэмшүүлэх сургууль тусгай гэрчилгээжиж, улмаар Олон улсын иргэний нисэхийн байгууллаг ИКАО-оос баталж өгсөн сургалтын программын дагуу сургалт явуулсан байх ёстой байдаг байна.  Өөрөөр хэлбэл тусгай гэрчилгээжсэн сургуульд сурч төгсөх, дээр нь яг тухайн эзэмшиж байгаа мэргэжлийнхээ дагуу зайлшгүй үзэж судалсан байх ёстой зүйлүүдийг нь харгалзан үзэж ажилд авдаг байна.
 

Мөн Агаарын хөлгийн бүхээгийн ажилтан/онгоцны үйлчлэгч/-д хүртэл хэлний түвшингийн шаардлага тавьдаг. Гэтэл МҮИС төгсөгч хэлний шаардлага хангах уу гэдгээс эхлэн МҮИС-д эргэлзэх олон шалтгаан  байна.


Нисэхийн салбарын бүх үйл ажиллагаа нарийн дэг журам, стандарт шаарддаг учраас онцгой байгууллагад тооцогдсоор ирсэн. Нисэхийн аюулгүй байдал номер нэг асуудал. Гэтэл мэргэжлийн байгууллагатай нь ямар нэг уялдаа холбоогүйгээр уг салбарыг бизнес болгон харсан МҮИС оюутнуудыг цаг хугацаа, хөрөнгө мөнгөөр нь тоглоод дэлхийд байтугай Монголд гологдох “мэргэжилтэн” бэлтгэх нь гэх хардлага төрж байгааг хэлэх нь илүүц биз.

Сэтгэгдэл үлдээх



Энэ мэдээ танд таалагдаж байвал LIKE хийгээрэй. Танд баярлалаа.

Соргог онцлох

Дуучин Б.Амархүү хар тамхи хэрэглэж байгаад баривчлагдлаа
Эмэгтэй хүний цогцос олдсон хэрэгт холбогдуулж хоёр хүнийг баривчилжээ
Сэргээгдэх эрчим хүчний тухай хуульд ямар өөрчлөлт оров
ТАНИЛЦ: Тусгай хамгаалалтад орох есөн газар
Үүнээс хойш, түүнээс цааш зээл авбал үйлдвэр, үйлчилгээний салбарт зориулдаг байя
АНУ Венесуэлийн эсрэг авсан хоригоо өргөтгөв
Насанд хүрээгүй гэрч, хохирогчийг хамгаалах шинэ зохицуулалттай болох нь
Тайваниас харилцаагаа тасалсан Соломоны арлуудын ерөнхий сайдтай АНУ-ын дэд ерөнхийлөгч уулзахаас татгалзжээ
775 сая төгрөгийн алтыг хил нэвтрүүлэхийг завджээ
Их шар хоолойн төгөл дэх булгийн эхийг хамгаалалтад авчээ
Зургаан настнуудын зугаатай агшин, хөгжилтэй үгнүүд
Залуу үе хар тамхины хар ангал руу унасаар байх уу?
Жүдогийн шигшээ багийн ахлах дасгалжуулагчаар Х.Болдбаатарыг томиллоо
Хөшигийн хөндийн нисэх буудлыг Улаанбаатартай холбосон тууш замын хөдөлгөөнийг нээлээ
Венецэд гадаа тамхи татахыг хориглож магадгүй
Төрийн албаны ерөнхий шалгалтын тов гарчээ
Дарханы замыг 11 дүгээр сард ашиглалтад оруулна гэж ард иргэдийг хуурах хэрэг юу байна
VW групп масс зах зээлд зориулсан анхны бүрэн цахилгаан автомашинаа танилцууллаа
Хойд Солонгос хоёр удаа пуужин харвалаа
Монгол улсын хүн ам өсдөггүй шалтгаан нь үр хөндөлт