Мадурогийн амийг хорлох хуйвалдааныг илрүүлснээ Венесуэлийн засгийн газар зарлажээ

2019-06-27

Венесуэль улсын ерөнхийлөгч Николас Мадуро болон түүний ойрын хүмүүсийн амийг хөнөөх хуйвалдааныг илрүүлж, таслан зогсоосноо тус улсын засгийн газар зарлажээ.

Хуйвалдаанд оролцогсод нь голдуу тэтгэвэртээ гарсан цагдаагийн офицерууд, армийнхан байсан бөгөөд засгийн газрын гол байгууламжуудад бөмбөг дэлбэлж, Каракасын нисэх буудал, Венесуэлийн төв банкыг эзлэхээр төлөвлөж байсныг Мадурогийн хэвлэлийн төлөөлөгч Хорге Родригез төв телевизээр мэдэгдсэн байна.

Мөн одоо шоронд хоригдож байгаа батлан хамгаалахын сайд асан Раул Бадуэлийг нисдэг тэргээр оргуулж, ерөнхийлөгч болгохоор төлөвлөж байсныг мэдээлжээ.

Венесуэлийн сөрөг хүчний удирдагч Хуан Гуайдо энэ мэдээллийг үгүйсгэж, эрх баригчдыг нийгэмд тулгамдаад байгаа асуудлуудаас ард түмний анхаарлыг холдуулахын тулд худал түүх зохиож байна гэж шүүмжилжээ.

Өнгөрсөн оны наймдугаар сард цэргийн парад үзэж байсан Николас Мадуро тэсрэх бодис тээсэн дроны халдлагад өртсөн ч эсэн мэнд үлдсэн юм.

Энэ удаагийн хуйвалдааныг Колумби, Чилийн ерөнхийлөгч нар дэмжсэн тухай Родригез ярьсан ч ямар нэг батлах баримт үзүүлээгүй байна.

Харин хуйвалдааныг зохион байгуулагчдын хоорондоо хийсэн видео хурлын 56 цагийн бичлэг Венесуэлийн тагнуулынхны гарт байгааг тэр хэлжээ.

Төрийн эргэлтийг зургаадугаар сарын 23-нд хийхээр төлөвлөж байсан,  Мадурогоос гадна Венесуэлийн тэргүүн хатагтай Силиа Флорес, эрх баригч социалист намын дарга Диосдадо Кабелло нарын амийг хөнөөхөөр төлөвлөж байсныг мэдээлсэн байна.

 

Эх сурвалж: Associated Press

Сэтгэгдэл үлдээх



Энэ мэдээ танд таалагдаж байвал LIKE хийгээрэй. Танд баярлалаа.

Соргог онцлох

Тарваган тахлын эсрэг дархлаажуулалт ирэх долоо хоногт орон даяар эхэлнэ
ЗГ: Хөх хот дахь Ерөнхий консулыг эгүүлэн татлаа
NASA-гийн судлах дараагийн сансрын биет нь Санчир гарагийн дагуул Титан байна
“Их 20”-ийн уулзалтын гол дүрүүд
Хөшигийн хөндийн нисэх буудлын менежментийн төслийг Монгол, Японы хамтарсан компани концессоор хэрэгжүүлэхээр боллоо
З.Орхонсүрэн: Цаг алдсаны улмаас хутгалуулсан иргэн цус алдаж, ухаан балартсан байсан
Хүүхдэд өгч болохгүй хориотой эмийн жагсаалт
Залуусыг буруу зүйлд уриалж буй шинэ цагийн ХИП ХОП
Үсчин, гоо сайхны газрууд хэрэглэсэн багажаа халдваргүйжүүлдэггүй зөрчил нийтлэг илэрчээ
Мадурогийн амийг хорлох хуйвалдааныг илрүүлснээ Венесуэлийн засгийн газар зарлажээ
Европ тивд хагас тонн жинтэй шувуу хүмүүстэй зэрэгцэн амьдарч байсныг эрдэмтэд баталжээ
Ж.Ганхуяг: Гарцын тэмдэглэгээг тодотгохын тулд шар хаалгануудыг байрлуулсан
Монголд хар тамхи байнга хэрэглэдэг 708 хүн байна
Наадмын түүхийг гажуудуулсан алдас буюу баримтат үнэн оршвой
Азийн улс төрийн намуудын олон улсын бага хурлыг Монгол улсад зохион байгуулахаар болов
Европын амьтны хүрээлэнгүүдэд төрсөн хирснүүдийг Руанда руу шилжүүлжээ
Виктория Бекхэм нууцаа ”задаллаа”
"Ираны эсрэг АНУ-ын хоригууд бол эдийн засгийн терроризм"
Улсын төсвийн 1.8 тэрбумын хөрөнгө оруулалтаар баригдсан цэцэрлэг ашиглалтад орж амжаагүй байхдаа НУРЖЭЭ
Зимбабве улс зэрлэг заан экспортлох хүсэлтэй байна