"Өнөр бүл"-ийн галд өртсөн хүүхдийн бие сайжирчээ

2019-06-10

"Өнөр бүл"-ийн галд өртсөн хүүхдийн бие сайжирчээ

Баянзүрх дүүргийн 16 дугаар хороонд байрлах Хүүхэд асран хамгаалах “Өнөр бүл” төвийн байранд  гал гарсны улмаас 78 хүүхэд Эх, хүүхдийн эрүүл мэндийн үндэсний төвд / ЭХЭМҮТ/ хүргэгдсэнээс хэвтэн эмчлүүлсэн 13 хүүхэд өчигдөр /2019.06.09/ эмнэлгээс гарчээ. Харин нэг хүүхдийн биеийн байдал хүнд байгаа учраас эрчимт эмчилгээний тасагт эмчлүүлж байсанхолбогдох албаны хүмүүс хэлж байв.

Угаарын хийд хордсон учраас Эрчимт эмчилгээний тасагт хэвтэн эмчлүүлсэн хүүхдийн биеийн байдал сайжирч өнөөдрөөс энгийн тасагт шилжүүлсэн гэж Яаралтай тусламжийн тасгийн Тусламж үйлчилгээний зохицуулагч эмч Б.Бат-Амгалан хэлэв. Тэрбээр “Манай эмнэлэгт хүргэгдэн ирсэн хүүхдүүд угаарын хордлоготой байсан. Насны хувьд харилцан адилгүй. 4-18 насны хүүхдүүдээс эмчилгээ хийлгэх шаардлагатай 13 хүүхэд хэвтэн эмчлүүлж биеийн байдал нь сайжирсан учраас өчигдөр эмнэлгээс гарлаа. Бидний зүгээс хүүхдүүдэд бүх төрлийн шинжилгээг хийж, хордлого тайлах, шаардлагатай бүхий л эмчилгээг хийсэн. Эрчимт эмчилгээний тасагт эмсчлүүлж байсан хүүхдийн бие сайжирч, өнөөдрөөс энгийн тасагт хэвтэн эмчлүүлж байна” гэлээ.

Онцгой байдлын алба хаагчид гал түймрээс 17 хүүхдийг гаргаж, есөн хүүхдийг Яаралтай тусламжийн төв болон Цэргийн төв эмнэлэгт, хоёр хүүхдэд эмнэлгийн анхан шатны тусламж үзүүлжээ.  Энэ тухай НОБГ-ын Гал түймэртэй тэмцэх хэлтсийн дарга хурандаа Д.Мөнхсайханаас тодруулахад “Гал түймэр асрамжийн газрын хоёр давхарт буюу хүлээлгийн танхимд гарсан. Хүүхдүүдийн өрөө галд өртөөгүй, хүлээлгийн танхим дахь  буйдан хивс сандал, ширээ зэрэг шатсан байгаа юм. Ямар учраас гал гарсныг урьдчилан хэлэх боломжгүй. Долоо буюу  14 хоногийн дараа галын дүгнэлт гарна. Одоогоор цагдаагийн байгууллагаас шалгаж байна. Гал түймэр гарсан хоёрдугаар давхарт байрлаж байсан 40 орчим хүүхдийг ЭХЭМҮТ-д урьдчилан сэргийлэх үзлэгт хамруулсан. Мөн таван хүүхэд эмнэлэгт хүргэгдсэн. Тэдний гурав нь утаанд хордож, нэг хүүхдэд эмнэлгийн анхан шатны тусламж үйлчилгээг үзүүлсэн, нэг хүүхэд ЭХЭМҮТ-д эмчлүүлж байна” хэмээв.

Галын үеэр Гэмтэл согог судлалын үндэсний төвд 11 хүүхэд эмнэлгийн анхан шатны тусламж үйлчилгээ авснаас нэг хүүхдийн бугалгын яс гэмтсэн бол өөр нэгэн хүүхэд өсгийндөө гэмтэл авсан байна. Ийнхүү анхан шатны тусламж үзүүлсний дараа хүүхдүүдийг ЭХЭМҮТ рүү шилжүүлсэн аж.

“Өнөр бүл” хүүхдийн асрамжийн газарт 190 гаруй хүүхэд амьдардаг бөгөөд гал гарсан хэсэгт 12-18 насны 70 орчим хүүхэд байсан аж. Гал өглөөний 09.30 цагт гарсан тухай дуудлага Нийслэлийн Онцгой байдлын газарт ирж, Гал түймэр унтраах, аврах 63 дугаар ангийн 10 алба хаагч, 3 автомашинтай 3 км замыг туулан 09:45 цагт очжээ. Нэмэлтээр  09:48 цагт Чингэлтэй  дүүргийн Онцгой байдлын хэлтсийн Гал түймэр унтраах, аврах 10 дугаар 8 алба хаагч, 2 автомашинтай очсон бол дахин нэмэлт хүч авч Нийслэлийн Аврах ангийн 7 албан хаагч, 2 автомашинтай очиж галыг  13.40 цагт бүрэн унтраажээ.

Одоогоор тус төвийн хүүхдүүдийг цэцэрлэгийн байр руу нүүлгэн шилжүүлээд байгаа аж.

Сэтгэгдэл үлдээх



Энэ мэдээ танд таалагдаж байвал LIKE хийгээрэй. Танд баярлалаа.

Соргог онцлох

Нэг өрхийн сарын дундаж бодит нийт орлого өмнөх улирлаас 6.6 хувиар өслөө
Үндсэн хуулийн цэц хуралдана
Энэ жилийн хамгийн үнэтэй 10 автомашины брэнд
Б.Хурц нарын есөн хүнд холбогдох гэм буруугийн шүүх хурал өнөөдөр болно
Д.Нямхүү: Дахин хоёр хүн эмчилэгдэж, ХӨСҮТ-ээс гарлаа
Баянзүрх дүүрэгт МАН-аас рейтинг өндөртэй улстөрчид үзэх нь
Хулгайлсан автомашиныхаа арлын дугаарыг өөрчлөн зарж борлуулах гэж байсныг илрүүллээ
Хотын төвийн авто зогсоолуудыг нэгдсэн менежментэд оруулж эхэллээ
Алтанбулаг боомтоор орж ирсэн 205 иргэнийг Орхон, Сэлэнгэ, Дархан-Уул аймагт тусгаарлажээ
Улаанбаатар хотод эм, эмнэлэгийн хэрэгслийн төвлөрсөн агуулахыг барьж байгуулна
Узбекистанд их, дээд сургуулийн элсэлтийн шалгалтыг хялбаршуулсан хэлбэрээр зохион байгуулна
Шүүх Э.Оюунболд аваргын нэхэмжлэлийг хэрхэн шийдэх вэ?
БНХАУ-ын пуужин Атлантын далайд унаж дэлбэрчээ
Хахууль авсан хэрэгт холбогдсон шүүгчдийн гэм буруутай, эсэхийг хэлэлцэж эхэллээ
Сонгуулийн маргааш л бут үсрэх Ардчилсан намын түр эвлэрэл
COVID-19: Халдварласан хүний тоо 4,525,000 давж, 303,371 хүн нас баржээ
Хамгийн олон хууль санаачилж батлуулсан гишүүд
УИХ-ын сонгуульд нэр дэвшигчдийн ХОМ авах сүүлийн хугацаа энэ сарын 19
Хэнтий аймагт орон нутгийн замын хөдөлгөөнийг хязгаарлана
Цаг агаарын гамшигт үзэгдлээс сэрэмжлүүлж байна!