Хэрэгтэн шилжүүлэх хуулийг Хонконг эсэргүүцэн жагслаа

2019-06-10

Хэрэгтэн шилжүүлэх хуулийг Хонконг эсэргүүцэн жагслаа

Сэжигтэй этгээдүүдийг шилжүүлэн өгөх тухай хуулийн төсөлд оруулсан нэмэлт, өөрчлөлтийг эсэргүүцсэн өргөн жагсаал Ням гаригт /2019.06.09/ Хонконгод болж, нэг сая гаруй хүн оролцжээ. AFP агентлагийн мэдээлснээр жагсагчид болон цагдаа нарын хоорондын мөргөлдөөн гарсан байна.

Энэ жагсаал нь сүүлийн жилүүдэд болсон жагсаалуудаас оролцогчдын тоогоороо хамгийн өргөн хүрээг хамарсан жагсаал болсон байна. Жагсаалыг зохион байгуулсан Иргэний эрхийг хамгаалах фронт байгууллагаас мэдээлснээр, жагсаалд 1,3 сая хүн оролцсон бөгөөд энэ нь 7.48 сая хүн амтай хотын долоон хүн тутмын нэг нь жагсаалд оролцсон гэсэн үг аж. Харин Хонконгийн Цагдаагийн газраас эсэргүүцлийн жагсаалд 240 мянган хүн оролцсон хэмээн мэдээлжээ. Цагаан өнгийн хувцас өмссөн, лоозон барьсан жагсагчид Ням гаригийн үдээс хойш Хонконгийн төвийн Виктория цэнгэлдэх хүрээлэнд цуглаж, "Хонконг, хэзээ ч бүү бууж өг" хэмээн уриалсан аж.

Зарим жагсагчид Хонконгийн Гүйцэтгэх засаглалын тэргүүн Кэрри Лэмийг огцрохыг шаардан, улмаар “Муу ёрын хууль”, “Хятадад шилжүүлэн өгөх тухай хуулийн төслийг эсэргүүцэж байна” хэмээн Адмиралитын бизнесийн дүүргийн Хууль зүйн зөвлөл хүртэлх 3 км (1.86 миль) замын турш уриалж явжээ.

Хонконгийн цагдаагийн газар албан ёсны твиттер хуудасдаа жагсаалын үеэр долоон хүнийг баривчилсан гэж жиргэсэн байна. Мөн жагсагчдыг тараахын тулд нулимс асгаруулагч хий ашигласан, амны хаалт зүүсэн 5-6 хүн орон нутгийн цагаар өглөөний 07.30 цагт тус хотыг эзлэхийг оролдсон тухай жиргэсэн байна.

Жагсаал тайван байдлаар эхэлсэн ч цагдаа нар жагсагчдыг тараахын тулд бороохойдож, хүч хэрэглэсний улмаас эмх замбараагүй байдал үүсчээ.

БНХАУ-аас "Нэг улс – хоёр систем" засаглалын дагуу өөртөө засах ихээхэн хэмжээний эрх эдэлдэг Хонконг нь тус улстай гэмт хэрэгтнийг шилжүүлэн өгөх тухай гэрээ байгуулаагүй аж. Ийм гэрээ байгуулахыг сөрөг хүчнийхэн нь эсэргүүцэж буй юм байна. Уг гэрээг байгуулснаар Хонконгийн дотоод хэрэгт тавих Бээжингийн хяналт чангарна гэж үзэж байгаа аж. Мөн эрүүгийн болон авлигын гэмт хэрэгтнүүд төдийгүй хүний эрхийг хамгаалагчид өртөж магадгүй гэж болгоомжилж буй юм байна.

Ням гаригийн оройхон Хонконгийн эрх баригчид мэдэгдэл гаргаж, жагсагчдын тавьж буй асуудлыг анхаарч авч үзэхээ илэрхийлжээ.

Эх сурвалж: CNN, AFP

Сэтгэгдэл үлдээх



Энэ мэдээ танд таалагдаж байвал LIKE хийгээрэй. Танд баярлалаа.

Соргог онцлох

Эмэгтэй хүний цогцос олдсон хэрэгт холбогдуулж хоёр хүнийг баривчилжээ
Сэргээгдэх эрчим хүчний тухай хуульд ямар өөрчлөлт оров
ТАНИЛЦ: Тусгай хамгаалалтад орох есөн газар
Үүнээс хойш, түүнээс цааш зээл авбал үйлдвэр, үйлчилгээний салбарт зориулдаг байя
АНУ Венесуэлийн эсрэг авсан хоригоо өргөтгөв
Насанд хүрээгүй гэрч, хохирогчийг хамгаалах шинэ зохицуулалттай болох нь
Тайваниас харилцаагаа тасалсан Соломоны арлуудын ерөнхий сайдтай АНУ-ын дэд ерөнхийлөгч уулзахаас татгалзжээ
775 сая төгрөгийн алтыг хил нэвтрүүлэхийг завджээ
Их шар хоолойн төгөл дэх булгийн эхийг хамгаалалтад авчээ
Зургаан настнуудын зугаатай агшин, хөгжилтэй үгнүүд
Залуу үе хар тамхины хар ангал руу унасаар байх уу?
Жүдогийн шигшээ багийн ахлах дасгалжуулагчаар Х.Болдбаатарыг томиллоо
Хөшигийн хөндийн нисэх буудлыг Улаанбаатартай холбосон тууш замын хөдөлгөөнийг нээлээ
Венецэд гадаа тамхи татахыг хориглож магадгүй
Төрийн албаны ерөнхий шалгалтын тов гарчээ
Дарханы замыг 11 дүгээр сард ашиглалтад оруулна гэж ард иргэдийг хуурах хэрэг юу байна
VW групп масс зах зээлд зориулсан анхны бүрэн цахилгаан автомашинаа танилцууллаа
Хойд Солонгос хоёр удаа пуужин харвалаа
Монгол улсын хүн ам өсдөггүй шалтгаан нь үр хөндөлт
Мун Жэ Ин Сөүлийн прокуроруудтай “дайн зарлав”