Дуучин Г.Ариунбаатар ОХУ-д амьдарна

2019-05-30

Дуучин Г.Ариунбаатар ОХУ-д амьдарна

Монгол Улсын гавьяат жүжигчин, Буриад улсын Төрийн соёрхолт, дуучин Г.Ариунбаатар ОХУ-ын Санкт-Петербургийн Мариинскийн театрт гэрээгээр ажиллахаар болжээ. Тэрбээр өнгөрөгч гуравдугаар сард Буриадын Дуурь, бүжгийн театрын тайзнаа “Риголетто” дуурийн гол дүрд тоглоод ирсэн байна.

Дуучин Г.Ариунбаатар уран бүтээлийнхээ талаар ярихдаа “Би саяхан Буриадын Дуурь, бүжгийн театрт “Риголетто” дуурьт дуулаад ирсэн. Одоо зургадугаар сарын 1-нээс ОХУ-ын Санкт-Петербургийн Мариинскийн театрт үндсэн ажил маань эхэлж байгаа. ОХУ-д амьдрахаар бичиг баримт бүрдүүлэх гээд удаан хугацаанд визээ хөөцөлдөж, сая нэг юм эцэслэгдэж байна. Удахгүй ОХУ руу явна. Тэндээ ОХУ-ын Санкт-Петербург хотноо ажиллаж, амьдрахаар суурьшина. Тэнд очоод уран бүтээлийнхээ дараа дараагийн төлөвлөгөөг гаргана даа” гэдгийг хэлсэн юм.

Харин “Авьяаслаг монголчууд” гэж шоуны шүүгчээр дахин ажиллах талаар асуухад “Би “Авьяаслаг Монголчууд” шоу нэвтрүүлгийн шүүгчээр ажиллахдаа өөртөө туршлага нэмье. Монголынхоо авьяастнуудыг нэг шоу нэвтрүүлгээр ч гэсэн сонсож үзэх мэдрэмж нь их сонирхол татсан. Үнэхээр монголчуудын маань авьяас дундрашгүй байдаг юм байна. Өөрөө шүүлгэж явсан хүний хувьд шүүгч байх өндөр хариуцлаггыг мэдэрлээ. Дараа жилийн шоуны шүүгчээр ажиллах эсэхийг сайн хэлж мэдэхгүй байна” гэв.

Монголын дуурийн урлагийн алдарт баритон Г.Ариунбаатар 23-хан насандаа Монгол Улсын гавьяат жүжигчин хэмээх эрхэм цол хүртэж, 2016 онд "Чингис хаан" одонгоор шагнуулсан билээ. Тэрбээр Цагдаагийн ерөнхий газрын "Сүлд" чуулгад дуучнаар ажиллаж байгаад, урилгаар ОХУ-ын Санкт-Петербургийн Мариинскийн театрт, улмаар Буриадын Дуурь бүжгийн эрдмийн театрт ажиллах болсон юм.

Сэтгэгдэл үлдээх



Энэ мэдээ танд таалагдаж байвал LIKE хийгээрэй. Танд баярлалаа.

Соргог онцлох

980.0 мянган хүүхдэд 169.5 тэрбум төгрөгийг хүүхдийн мөнгөн тэтгэмж болгон олгожээ
Караокены галд өртсөн 16 хүн ГССҮТ-д эмчлүүлж байна
Энэ өдөр дэлхийн түүхэнд
Биатлоны домогт хос Хятадын шигшээг дасгалжуулж эхэллээ
Японд жаран жил тохиогоогүй гамшиг нүүрлэв
Замын цагдаагийн газрын ойролцоох гүүрэн гарцын U turn буюу буцах эргэлтийн хөдөлгөөнийг нээжээ
Хан-Уул дүүргийн алслагдсан хороодын иргэдэд төрийн үйлчилгээ хүрч ажиллалаа
Арван дөрвөн тарваганы арьстай хөлдөөсөн мах нийслэл рүү нэвтрүүлэхийг завджээ
Үе мөчний саажилттай ч пара бодибилдингийн ААШТ-ий цомын эзэн болсон М.Гантулга
Бага насны хүүхэд цонхоор унах гэж байсныг эсэн мэнд аварчээ
Малын хулгайтай тэмцэх хуульд ямар өөрчлөлт оруулах вэ
Филиппиний ерөнхийлөгчийн туслах иргэдийн шаардлагыг хүлээн авч нийтийн тээврээр ажилдаа иржээ
Бокс: Эррол Спенс Жуниор автомашины осолд оржээ
Халимагт Чингис хааны хөшөөг босгожээ
Мигель Диас-Канель Кубын Ерөнхийлөгч болжээ
Наоми Осака АНУ-аас татгалзаж, Япон улсын иргэн боллоо
Дорноговь аймагт 3.8 магнитудын хүчтэй газар хөдлөлт болжээ
Украины ерөнхийлөгч хамгийн урт хэвлэлийн хурал зохион байгуулж, дэлхийн дээд амжилтыг тогтоожээ
Хөрөг бүтэх агшин
Сэлбэ голын эрэг дагуу 2562м.кв талбайд амралт зугаалгын тохижилттой талбай байгууллаа