Өнөөдрөөс эхлэн түүхий нүүрсийг нийслэлд оруулахыг хориглосон байгаа билээ.

Тодруулбал, 2018 оны хоёрдугаар сарын 28-нд Засгийн газрын 62 дугаар тогтоол батлагдаж Улаанбаатар хотын айлууд түүхий нүүрс түлэхийг хориглосон. Уг тогтоолын хэрэгжилт, хяналтад Орчны бохирдлыг бууруулах үндэсний хороо болон Цагдаагийн ерөнхий газар, нийслэлийн Мэргэжлийн хяналтын газраас хяналт тавьж эхэлжээ.

Мөн орчны бохирдлыг бууруулах үндэсний хорооноос 4604 хүний бүтэцтэй орон тооны бус сайн дурын ажилтанг хянагчаар ажиллуулахаар болсон байна. Сайн дурын ажилчдын улсаас 50 орчим мянган төгрөгийн цалин авч, айл өрхийн түлшний хэрэглээг хянаж ажиллах юм байна.

Харин түүхий нүүрс хэрэглэсэн, худалдан борлуулбал Зөрчлийн тухай хуулийн дагуу иргэнийг 300 мянган төгрөгөөр, аж  ахуй нэгжийг гурван сая хүртэлх төгрөгөөр торгох шийтгэл хүлээлгэхээр хуульд заасан байна.