Нацү башёгийн гол баатар нь Тэрүнофүжи

2021-05-11

Японы мэргэжлийн сүмогийн тавдугаар сарын тэмцээн буюу Нацү башё эхэллээ. Энэ башё үзэгчгүйгээр хоосон хөндий ордонд чимээ шуугиангүйхэн болж байна. Гэхдээ цар тахлын тархалт нааштай байвал гурав хоногийн дараа тодорхой тооны үзэгчтэй үргэлжлүүлж магадгүй гэсэн яриа сонсогдоно. Башёгийн гол онцлог нь их аварга Хакүхо мөн л өнжихөөр болсон ч дөрвөн озекитой гэдгээрээ ховор тохиолдол болж байна. Тэр дотор хамгийн гол хүн нь Тэрүнофүжи Г.Ган-Эрдэнэ. Үзэгч олон түмний анхаарал энэ л чигт хандаж байгаа. Яагаад гэхээр тэр дөрвөн жилийн өмнө озеки цолтой барилдаж байгаад гэмтлийн улмаас доош унаж, унах унахдаа сүмогийн хамгийн доод зиндаанд очсон бол шантралгүй барилдсаар өнгөрсөн онд дээд зиндаандаа эргэж ирсэн. Башё бүхэнд түрүүлэхийн төлөө өрсөлдөгч байж чадсан төдийгүй хоёр ч удаа эзэн хааны цом хүртэж улмаар озеки цолоо эгүүлэн аваад байгаа юм. Гуравдугаар сарын тэмцээнд 12 давж түрүүлснээр энэ удаагийн тэмцээнд озеки цолтойгоор зодоглож буй. Тэрүнофүжи шиг доод зиндаанд очоод буцаж ирж озеки цолоо дахин авсан бөх сүмогийн түүхэнд ердөө хоёрхон байдаг юм билээ. Тэгэхээр тэр сүмогийн түүхэнд бас шинэ хуудас нээсэн гэж болно. Тэмцээний өмнө түүнээс ярилцлага авахад “Озеки цолоо аваад эхний башёдаа зодоглож байгаадаа баяртай байна. Харин надад асар их үүрэг хариуцлага ногдож байгааг ч ойлгож байгаа. Иймийн тулд сайн барилдах учиртай. Нэгийг хэлэхэд миний гялалзах хугацаа бага үлдсэн болохоор үзэгч олныхоо итгэлийг биелүүлэхийн төлөө хамаг л хүч чадлаа зориулахыг хичээх болно.

Би өвдөгний хоёр бэртэлтэй хүн. Харин барилдааны үед хаана ачааллаа өгөх тэнцүүлэх талаар мэддэг болсон” гэж хэлсэн юм.

Бас Тэрүнофүжи энэ башёд дахиад түрүүлчихвэл Ёкозүна болох уу гэсэн асуулт гарч л байна. Ояката нарын хэлснээр бол дүрмээ баримтлах юм бол аварга цолны тухай ярих болоогүй ээ. Гагцхүү уналгүй түрүүлчих юм бол бэртэл гэмтлээ даван туулж жониданаас дээд зиндаанд ирсэн богино хугацаанд озеки цолоо буцаан авсан зүтгэлийг бодож ярилцаж болох магадлал бий гэлцэж байналээ. Нацү башё эхэлсэн өдөр тэр комусуби Мессэйтэй учраа таарахдаа барилдаанаараа озеки цолтон ийм байдаг юм гэдгээ харуулан бярдаад шидчихэж харагдав. Мөн башёгийн эхний өдөр дөрвөн озеки бүгд давлаа. Тэдэн дундаас Шёодай өмнөх тэмцээнд кодабан болж одоо цолоо хамгаалахын төлөө босч байна. Дээд зиндаанд зургаан монгол сүмоч зодоглож байгаа. Тэрүнофүжигээс гадна Ичиножёо А.Ичинноров, Хоошёорфү Бямбасүрэн, Тамаваши Г.Мөнх-Оргил нар эхний даваагаа авсан бол Кирибияма Лхагвасүрэн, Чиёошома Г.Мөнхсайхан нар уначихлаа. Уг нь эхний даваа их урам өгдөг дөө.

 

Д.Надмид

Эх сурвалж: "Зууны мэдээ" сонин

Сэтгэгдэл үлдээх



Энэ мэдээ танд таалагдаж байвал LIKE хийгээрэй. Танд баярлалаа.

Соргог онцлох

Эрасмус+ Дээд боловсролын чадавх бэхжүүлэх төслийн анхны чадавхжуулах цахим сургалт болж байна
Ерөнхийлөгчид нэр дэвшигчид ӨНӨӨДӨР мэтгэлцэнэ
Н.Түвшинбаяр МҮОХ-нд тамгаа авчирч өгчээ
М.Уранцэцэг Хөдөлмөрийн баатар цолоо ДАШТ-ий 4 дэх медалиар мялаалаа
Монголд байнга оршин суух зөвшөөрөлтэй гадаадын иргэд гарах-орох виз мэдүүлэх шаардлагагүй боллоо
Н.Түвшинбаяр МҮОХ-ны ТАМГЫГ буцааж өгнө гэжээ
Өнөөдөр 1189 хүнээс халдвар илэрч, 13 хүн нас барлаа
Ахлах ахлагч Э.Даваажамц 90 км зам туулаад байна
Худал мэдээлэл түгээсэн гэх Г.Ган-Очирыг баривчилжээ
Өнөөдөр 10260 иргэнийг дархлаажуулна
Д.СУМЪЯАБАЗАР: Улсын төсвөөс жил бүр 420 тэрбум төгрөгийг нийслэлд олгохоор болсон
Хатуу хөл хорио тогтоохгүй
Нийслэлийн 18-аас дээш насны иргэд 100 хувь I тундаа хамрагджээ
С.Батцэцэг, О.Насанбурмаа нар Польшийн нийслэл Варшавт барилдана
Урсгал уснаас эрэн хайх, аврах ажиллагааны дадлага сургууль эхэллээ
Өнөөдөр ихэнх нутгаар цаг агаар тогтуун байна
Монгол ноолуур анх удаа газраар Итали улс руу тээвэрлэгдлээ
Н.Түвшинбаярт холбогдох хэргийг шалгаж дуусчээ
Зорилтот бүлгийн иргэдэд Файзер вакцин хийж байна
Тусгаарлан ажиглах байранд 6308 иргэн байна