2019-05-01
Баян-Өлгий аймагт тарваган тахал гарч, эхнэр нөхөр хоёр нас барлаа гэх мэдээлэл цацагдсан.
Энэ талаар Зоонозын өвчин судлалын үндэсний төвөөс тодруулахад “Баян-Өлгий аймагт тарваган тахлын сэжигтэй тохиолдол бүртгэгдсэн. Одоогоор шинжилгээний хариу гараагүй байгаа учир дэлгэрэнгүй мэдээлэл өгөх боломжгүй” гэв.
Харин Баян-Өлгий аймгийн хэвлэлийн ажилтнаас нөхцөл байдлын талаар тодруулахад, "Одоогоор талийгчаас авсан шинжилгээний хариу гараагүй байгаа учраас яг юунаас болж нас барсан бэ гэдгийг хэлэх боломжгүй байна. Шинжилгээний эцсийн хариу сэжигтэй тохиолдол илэрснээс хойш 72 цагийн дотор буюу маргаашийн дотор гарах ёстой. Урьдчилан сэргийлэх зорилгоор өвчилсөн болон нас барсан иргэдийн амьдарч байсан гэр орон, эмчлүүлж байгаа аймгийн Нэгдсэн эмнэлэг, зорчиж явсан Цагааннуур-Улаанбайшинт чиглэлд тодорхойгүй хугацаагаар хорио цээрийн дэглэм тогтоож, олон нийтийг хамарсан арга хэмжээ зохион байгуулах, архи согтууруулах ундаа худалдах, түүгээр үйлчлэхгүй байхаар хориглосон шийдвэр гаргасан байгаа. Мөн өндөржүүлсэн бэлэн байдалд шилжих тухай аймгийн Засаг даргын захирамж гараад ажиллаж байна. гэсэн юм.
ЦАГ АГААР
°C/°C
°C/°C
°C/°C
Төстэй мэдээнүүд