2019-04-23
Богдхан уулын дархан цаазат газрын Багатэнгэрийн амны хязгаарлалтын бүсэд газар ашиглагч "Зүүнбаян рефайнери" ХХК Туулын бургасыг огтолж, байгаль орчинд хохирол учруулаад байгаа билээ.
Тус компани анх 2008 оны наймдугаар сарын 22-нд аялал жуулчлалын зориулалтаар нийтдээ дөрвөн га газар ашиглах эрх авсан байдаг. Улмаар Туулын бургасыг огтолж, бетон зуурмаг үйлдвэрлэх тоног төхөөрөмж байрлуулж, хоёр га орчим газрыг сүйтгэсэн. Одоо барилгын ажил ид явагдаж буй.
Туулын бургасыг хядсан тус компанийн эзэн нь хотын дарга С.Амарсайханы төрсөн ах С.Уламбаяр гэгч юм. Байгал орчинд учруулсан хохирлыг Нийслэлийн байгаль орчны газраас үнэлэн 9.2 тэрбум төгрөгийн торгууль ногдуулжээ.
Гэвч "Зүүнбаян рефайнери" ХХК-ийн зүгээс уг үнэлгээг эсэргүүцэн шүүхэд хандсан байна. Улмаар энэхүү хэргийг нийслэлийн прокурор хянаад, хэрэгсэхгүй болгох шийдвэр гаргажээ. Тодруулбал, "Зүүнбаян рефайнери" ХХК байгаль орчинд учруулсан хохирлын торгуулиа төлөхгүйг нь прокурорын байгууллага зөвшөөрсөн ажээ.
ЦАГ АГААР
°C/°C
°C/°C
°C/°C
Төстэй мэдээнүүд