Одоогоос хоёр долоо хоногийн өмнө "АСА Циркд" болж өндөрлөсөн олон улсын холимог тулааны аварга шалгаруулах тэмцээний хамгийн дуулиант оролцогч О.Пүрэв дэлхийн дэвжээнд өрсөлдөхөөр хүлгийн жолоо заллаа. Олон нийтийн дунд "Пүрэвийн мухлаг"-ийн эзэн гэдгээрээ багагүй алдаршсан тэрээр тэмцээний зардлаа олохын тулд шаргуу хөдөлмөрлөж байсан бөгөөд түүнд Т.Ганболд захиралтай "Алтан дорнод Монгол Корпорейт Хотел" ХХК-ийн хамт олон туслалцаа үзүүлэхээр болсон. 

Өөрийгөө "Амьдралын төлөө тулалддаг нэгэн" хэмээн тодорхойлсон тэрээр анх удаагаа дэлхийн хэмжээний тэмцээнд оролцож байгаа нь энэ бөгөөд зорилгынхоо төлөө тууштай зүтгэсээр байгаа тамирчиндаа амжилт хүсье.