2019-02-11
Томуугийн вирус тархах эрсдэлээс сэргийлэх зорилгоор нийслэлийн Засаг дарга захирамж гаргаж, Улаанбаатарт үйл ажиллагаа явуулж буй хүүхдийн тоглоомын бүх газрын үйл ажиллагааг ирэх сарын 1 хүртэл түр зогсоохоор болов.
Нийслэлийн ерөнхий боловсролын сургууль, цэцэрлэгээс бусад сургалтын болон олон нийтийн арга хэмжээ зохион байгуулдаг газрууд 10 хүртэлх насны хүүхдэд үйлчлэхгүй байхыг эл захирамжид тусгажээ. Үүнд үзвэр үйлчилгээ болон нийтийн хоолны газрууд ч багтсан аж. Сар шинийн баярын өдрүүдэд үйлчилгээний газруудад мэдэгдэл хүргүүлж, хяналт тавьж ажиллажээ. Цаашид ч хяналт, шалгалтаа үргэлжлүүлэх юм байна.
Томуугийн вирусийн тархалт нэмэгдэх хандлагатай тул бага насны хүүхдэд тавих анхаарлаа сайжруулж, олон нийтийн газраар аль болох дагуулж явахгүй байх, дулаан хувцаслах, аминдэм, илчлэг ихтэй хоол хүнс хэрэглэх, амны хаалт тогтмол зүүлгэх, амьсгалын замын халдварт өвчин болон болзошгүй эрсдэлээс урьдчилан сэргийлэхийг нийслэлийн Эрүүл мэндийн газраас анхаарууллаа.
ЦАГ АГААР
°C/°C
°C/°C
°C/°C
Төстэй мэдээнүүд