Төсвийн байнгын хороо хоёр асуудлыг хэлэлцэн шийдвэрлэлээ

2019-01-30

УИХ-ын Төсвийн байнгын хорооны хурал өнөөдөр /2018.11.23/ 14.42 цагт 57.9 хувийн ирцтэй эхэлж, Монгол Улсын нэгдсэн төсвийн 2019 оны төсвийн хүрээний мэдэгдэл, 2020-2021 оны төсвийн төсөөллийн тухай хуульд өөрчлөлт оруулах тухай, Монгол Улсын 2019 оны төсвийн тухай, Нийгмийн даатгалын сангийн 2019 оны төсвийн тухай, Эрүүл мэндийн даатгалын сангийн 2019 оны төсвийн тухай хуулиуд болон холбогдох бусад хууль, Улсын Их Хурлын тогтоолуудад бүхэлд нь тавьсан Монгол Улсын Ерөнхийлөгчийн хоригийг хэлэлцлээ.

Монгол Улсын Ерөнхийлөгчийн хоригийг тус Байнгын хорооны 11 дүгээр сарын 16-ны өдрийн хуралдаанаар хэлэлцэх үед хуралдаанд оролцсон гишүүдийн дийлэнх олонх буюу 75.0. хувь нь хүлээнавах боломжгүй гэж үзсэн бөгөөд уг асуудлыг нэгдсэн чуулганы 11 дүгээр сарын 22-ны өдрийн хуралдаанаар хэлэлцэх үед хоригийг тодотгон өөрчилж буй талаарх асуудлыг Ерөнхийлөгчийн Тамгын газрын дарга З.Энхболд танилцуулсан билээ.

Тиймээс үүссэн нөхцөл байдалтай холбогдуулан Төсвийн байнгын хороо уг асуудлаар дахин хуралдсан юм. Төсвийн байнгын хорооны 11 дүгээр сарын 16-ны өдрийн хуралдаанд оролцсон гишүүдийн олонхЕрөнхийлөгчийн хоригийг хүлээн авах боломжгүй гэж үзсэн тул  “Ерөнхийлөгчийн хоригийн тухай” УИХ-ын тогтоолын төслийг боловсруулсныг энэ өдрийн Байнгын хорооны хуралдаанаар хэлэлцэв.

Уг тогтоолын төсөлд “Хөдөө аж ахуйн гаралтай түүхий эдийг боловсруулах экспортод чиглэсэн үйлдвэрүүдийг барьж байгуулахад шаардагдах 500.0 тэрбум төгрөг хүртэлх хөнгөлөлттэй санхүүжилтийн эх үүсвэрийг Төсвийн тухай хуулийн 34.1.4-ийг үндэслэн төсөвт тодотгол хийх замаар шийдвэрлэхийг Монгол Улсын Засгийн газар /У.Хүрэлсүх/-т даалгасугай.” гэсэн 2 дахь заалт нэмэх нь зүйтэй гэж УИХ-ын гишүүн Ц.Мөнх-Оргил гаргасан бөгөөд уг саналыг хуралдаанд оролцсон гишүүдийн олонх нь дэмжсэн юм.

Ингээд Байнгын хорооны санал, дүгнэлтийг чуулганы нэгдсэн хуралдаанд танилцуулахаар тогтлоо.

Мөн хуралдаанаар Түр хороо байгуулах тухай УИХ-ын тогтоолын төслийн хэлэлцэх эсэх асуудлыг хэлэлцэв.

Тогтоолын төслийн талаар УИХ-ын гишүүн Н.Номтойбаяр танилцууллаа. Тэрбээр, Монгол Улсын Үндсэн хуулийн Хорин зургаадугаар зүйлийн нэг, Монгол Улсын Их Хурлын тухай хуулийн 7.1.3, 25.1-д заасныг үндэслэн Жижиг, дунд үйлдвэрлэлийг дэмжих сантай холбоотой үүссэн асуудлыг шалган судалж, санал боловсруулах, дүнг нэгдсэн хуралдаанд танилцуулах үүрэг бүхий түр хороог байгуулах асуудлыг УИХ-ын тогтоолын төсөлд тусгасан хэмээлээ.

Хэлэлцэж буй асуудалтай холбогдуулан УИХ-ын гишүүн Ц.Нямдорж, З.Нарантуяа нар байр сууриа илэрхийлсэн. УИХ-ын гишүүн Ц.Нямдорж, ганц Жижиг, дунд үйлдвэрлэлийг дэмжих сан бус цаана нь буй 27 сангийн асуудлыг бүхэлд нь авч үзэх шаардлагатай хэмээсэн бол УИХ-ын гишүүн З.Нарантуяа, сангуудын үйл ажиллагаа, үр ашиг, зарцуулалт талаас нь шалгахдаа Төсвийн байнгын хорооны Төсвийн зарлагын дэд хороотой хамтран ажиллах хэрэгтэй гэсэн саналтай байгаагаа илэрхийлсэн юм.

Байнгын хорооны хуралдаанд оролцсон гишүүдийн олонх Түр хороо байгуулах тухай УИХ-ын тогтоолын төслийг хэлэлцэх нь зүйтэй хэмээн үзсэн бөгөөд Байнгын хорооны санал, дүгнэлтийг чуулганы нэгдсэн хуралдаанд танилцуулахаар боллоо хэмээн УИХ-ын Хэвлэл мэдээлэл, олон нийттэй харилцах хэлтсээс мэдээллээ. 

Сэтгэгдэл үлдээх



Энэ мэдээ танд таалагдаж байвал LIKE хийгээрэй. Танд баярлалаа.

Соргог онцлох

1-5 дугаар ангийн сурагчдад Монгол ёс, хүмүүжлийн хичээл орно
Франц улс юу хүлээж байна вэ?
Тарваган тахлын эсрэг дархлаажуулалт ирэх долоо хоногт орон даяар эхэлнэ
ЗГ: Хөх хот дахь Ерөнхий консулыг эгүүлэн татлаа
NASA-гийн судлах дараагийн сансрын биет нь Санчир гарагийн дагуул Титан байна
“Их 20”-ийн уулзалтын гол дүрүүд
Хөшигийн хөндийн нисэх буудлын менежментийн төслийг Монгол, Японы хамтарсан компани концессоор хэрэгжүүлэхээр боллоо
З.Орхонсүрэн: Цаг алдсаны улмаас хутгалуулсан иргэн цус алдаж, ухаан балартсан байсан
Хүүхдэд өгч болохгүй хориотой эмийн жагсаалт
Залуусыг буруу зүйлд уриалж буй шинэ цагийн ХИП ХОП
Үсчин, гоо сайхны газрууд хэрэглэсэн багажаа халдваргүйжүүлдэггүй зөрчил нийтлэг илэрчээ
Мадурогийн амийг хорлох хуйвалдааныг илрүүлснээ Венесуэлийн засгийн газар зарлажээ
Европ тивд хагас тонн жинтэй шувуу хүмүүстэй зэрэгцэн амьдарч байсныг эрдэмтэд баталжээ
Ж.Ганхуяг: Гарцын тэмдэглэгээг тодотгохын тулд шар хаалгануудыг байрлуулсан
Монголд хар тамхи байнга хэрэглэдэг 708 хүн байна
Наадмын түүхийг гажуудуулсан алдас буюу баримтат үнэн оршвой
Азийн улс төрийн намуудын олон улсын бага хурлыг Монгол улсад зохион байгуулахаар болов
Европын амьтны хүрээлэнгүүдэд төрсөн хирснүүдийг Руанда руу шилжүүлжээ
Виктория Бекхэм нууцаа ”задаллаа”
"Ираны эсрэг АНУ-ын хоригууд бол эдийн засгийн терроризм"