2019-01-23
Мэргэжлийн сүмо бөхийн 72 дахь ёкозүна Кисеносато зодог тайлсанаа Хацү башёгийн 4 дэх өдөр зарласан билээ. Япончуудын хүсэн хүлээсэн Кисэносато аварга гэмтлийн улмаас олон башё өнжиж, тэмцээний дундаас гарсаар эцэст нь зодог тайлахаар шийдвэр гаргасан юм. Тэрбээр ирэх есдүгээр сарын 29-нд Рёогикү Кокүгикан ордонд зодог тайлах ёслолоо хийхээр товлосон байна.
Кисэносато аварга "Тагоноүра" дэвжээндээ туслах оякатагаар ажиллах бөгөөд Арасой хэмээх нэртэй болжээ. Түүний сүмо бөхийн холбооны анхны ажил нь хоёрдугаар сарын 9-нд Кокүгикан ордонд болох NHK телевизийн нэрэмжит тэмцээн аж. Кисеносато хэдийгээр ёкозүна цолтон байсан ч гэсэн хамгаалалт, аюулгүй байдлын хэсэгт ажиллаж эхлэх юм байна. Тэрбээр ёкозүна цолтойгоор 36 даваа авсан нь анти рекорд болж байна.
Кисеносато дээд зиндаанд 2, макүшита зиндаанд нэг түрүүлсэн бөгөөд 800 удаа давж, 496 удаа өвдөг шороодож, 97 барилдаан өнжжээ. 2002 оны гуравдугаар сард анхныхаа барилдааныг хийсэн ба 17 жил барилдсаны эцэст зодог тайллаа.
ЦАГ АГААР
°C/°C
°C/°C
°C/°C
Төстэй мэдээнүүд