Беларусийн ерөнхийлөгч ОХУ-д анхааруулга өглөө

2019-01-11

Беларусийн ерөнхийлөгч Александр Лукашенко хэрвээ ОХУ өөрийнх нь улсад газрын тосны хангалттай үнийн хөнгөлөлт үзүүлэхгүй бол холбоотноо алдана гэдгийг анхааруулжээ.

“Хэрвээ Оросын удирдагчид ийм зам сонгож байгаа бол Өрнө зүгт байгаа цорын ганц холбоотноо алдах сонголтыг өөрсдөө хийлээ гэсэн үг” гэж тэр хэлснийг Беларусийн төрийн мэдлийн БелТА агентлаг өчигдөр мэдээлсэн байна.

Ойр дотно харилцаатай Орос, Беларусь улсууд сүүлийн үед газрын тос, байгалийн хийн үнэ тарифын асуудлаар маргалдаж байгаа юм.

Беларусь улс олон жилийн турш Оросоос хямдралтай үнээр газрын тос худалдан авч, зарим хэсгийг нь гуравдагч зах зээл рүү экспортлодог байв. Гэвч одоо Оросын эдийн засаг доройтож, Беларусь улсад хөнгөлөлт үзүүлэхээс татгалзаж байгаа ажээ.

Москвагийн тавьж буй саналаар явбал ирэх зургаан жилийн хугацаанд Беларусь улс $11 тэрбумын алдагдал хүлээхээр байгаа гэнэ. Өчигдөр Лукашенко бас Беларусийн газрын тосны худалдааг Балтийн улсуудаар дамжуулна гэж Оросыг сүрдүүлжээ.

Түүний ярьж буй саналаар Беларусь улс Балтийн тэнгисийн орнуудтай хамтран түүхий газрын тос худалдан авч, өөрийн Новополотск дахь үйлдвэрт боловсруулаад буцааж экспортлох юм байна.

Москва газрын тосны үнээр дарамталж, Беларусийг өөртөө нэгтгэх гэж байна гэсэн сэжгийн талаар сэтгүүлчдийн асуултад хариулахдаа Лукашенко “Хоёр улсыг нэгтгэх тухай яриа огт байхгүй” гэжээ.

Лукашенко 2018 оны арванхоёрдугаар сард ОХУ-ын ерөнхийлөгч Владимир Путинтай хоёр удаа уулзсан ч маргаанаа шийдэж чадаагүй юм. Өмнө нь 2010 онд бас ийм маргаан дэгдэхэд Беларусь улс Украины боомтоор дамжуулан Венесуэлиэс газрын тос авч байжээ.

Александр Лукашенко 10 сая орчим хүн амтай улс орноо ЗХУ задарснаас хойш хатуу гараар удирдаж байгаа бөгөөд эдийн засагаа хуучны Зөвлөлтийн үеийн хэв маягаар удирддаг юм.

Эх сурвалж: Reuters

Сэтгэгдэл үлдээх



Энэ мэдээ танд таалагдаж байвал LIKE хийгээрэй. Танд баярлалаа.

Соргог онцлох

БНХАУ-ын хянан магадлагааны баг Монголд ажиллаж байна
Зөвлөгөө мэдээллийн төвөөр 14.5 мянган иргэнд үйлчлэв
Жилийн дараа хорт хавдрыг бүр мөсөн дарна
270 ширхэг тарваганы тулам тээвэрлэж явсныг илрүүлжээ
Хэрэглээний барааны үнэ буурч байна
Үс шинээр үргээлгэх буюу засуулахад тохиромжгүй
Шархны боолтоор Nike хийж өмссөн охинд жинхэнэ Nike бэлэглэжээ
“Miss World-2019”-ийн шоу Монгол миссийн танилцуулгаар эхэлнэ
Шаардлага хангахгүй архи худалдаалж байна
“Цөмөөхэй” бүжгийн жүжиг арванхоёрдугаар сарын 20-нд тайзнаа амилна
284 ДОХ-ын тохиолдол бүртгэгдлээ
НДШ нэмэгдэхгүй боллоо
Хүнсний ногооны үнэ өсчээ
Улаанбаатарт 7-9 градус хүйтэн байна
Энэ оны хамгийн сүүлийн “Бүтэн сар” өнөөдөр шөнө гарна
Соробан сампин, цээж тооллын тэмцээнээс 80 цом авсан хүүхдүүд өнөөдөр ирнэ
Шинэ Зеланд улс АНУ-аас 120 м.кв хэмжээтэй хүний арьс захиалжээ
Утаа мэдрэгчийг арванхоёрдугаар сард багтаан 167 мянган өрхөд үнэгүй олгоно
Инновацийн тухай хуульд нэмэлт, өөрчлөлт оруулах тухай хуулийн төслийн анхны хэлэлцүүлгийг явууллаа
ХААН банк шинээр зургаан байршилд тооцооны төвөө нээлээ