Монголбанк ханшийн өсөлтийг хазаарлаж чадах уу?

2018-11-30

Улстөрийн фронт халз “тулаантай” энэ үеэр эдийн засаг эрсдэл даллаж эхлээд байна. Гашуунсухайтын боомт дээр нүүрсний татан авалт “0” рүү чиглэж, энэ зуур ноён доллар ногт хазаараа аваад зулрах янзтай болов.

Монгол банкны өчигдрийн ханшаар нэг ам доллар 2605 төгрөгтэй тэнцэж түүхэн дээд амжилтаа тогтоов. Өчигдөр валют арилжааны “Найман шарга” захад нэг ам.долларыг 2627 төгрөгөөр худалдан авч, 2635 төгрөгөөр зарж байв. Өглөө 11:00 цагийн үед 2630 төгрөгийн ханштай байсан ам.доллар үдээс хойш таван төгрөгөөр чангарсаныг харахад өдрөөр бус бүр цаг минутаар өсөж байна гэсэн үг.  

Өнгөрсөн зунаас өгсөж эхэлсэн ханш ингэж чангарахын хэрээр үндэсний мөнгөн тэмдэгтийн үнэгүйдэл иргэдээ сульдааж эхлээд байна.

Төв банкнаас арваннэгдүгээр сар гарснаас хойш нийтдээ 212.3 сая ам.долларын нийлүүлсэн ч валютын ханшийн өсөлтийг хазаарлаж чадахгүй байна.  Хамгийн сүүлд гэхэд л  долоо хоногийн өмнө буюу энэ сарын 22-ны өдөр 2591.93 төгрөгийн ханштайгаар 30.5 сая ам.доллар нийлүүлж байв.

Хэрэв улс орны нөхцөл байдал улс төрийн зодолдоон энэ бүхнийг тооцвол ханш мөддөө сулрах шинж үгүй байна. Дайны хажуугаар дажин гэдэг шиг юм болж  Хятадын тал  тодорхойгүй хугацаагаар нүүрсний татан авалтаа хамгийн доод түвшинд хүртэл бууруулсан нь Монгол руу орох ногоон мөнгөний урсгалыг тодорхой хэмжээгээр татрахад  нөлөөлж байна.  

Нэг ам доллар 2630 төгрөгөөс давж байгаа нь  2019 оны улсын төсөвт нэг амдолларыг 2530 төг байхаар тооцсоноос давсан үзүүлэлт болчихлоо.  Энэ нь мэдээж төсвийн орлого тасрахад хүргэж болзошгүй юм.

Өнгөрөгч 10 дугаар сард төгрөгийн эсрэг 5 хувиар чангараад байсан долларын ханш удахгүй тогтворжино гэж  байсан нь ийн талаар  болов

Ханшийн уг өсөлтөд улирлын нөлөө байгаа  гэж байсан ч  Монголбанкны зүгээс худалдааны тэнцлийн ашиг хангалтгүй, импортын өсөлт хөрөнгө оруулалтын дүнг давж байгаатай холбоотойгоор  ам.долларын эрэлт нэмэгдсэн гэж мэдээлж байсан нь бий. Тодруулбал, импортын өсөлт экспортын өсөлтөөс 2 дахин давсан, үйлчилгээний гадаад худалдааны алдагдал 20 хувиар өссөн үзүүлэлттэй байгаа аж.

Валютын ханш эдийн засгийн суурь шалтгаантай холбоотойгоор өсч байгаа ч огцом савлагаа гарахаас сэргийлэх нөөц хангалттай байгаа. Түүнчлэн Монголбанк ам долларын ханшийг эдийн засгийн идэвхжил өссөнтэйгээр холбон тайлбарлаж байсан удаа бий. 

Ханш өсөхийн хэрээр иргэдийн худалдан авах чадвар улам доройтож,  үндсэндээ инфляцаас шалтгаалсан ядуурал гэдэг юм бий болж магадгүй байна.  Үндэсний мөнгөн тэмдэгтээ үнэгүйдлээс хамгаалж байх учиртай Монгол банкны бодлого зохицуулалт хаана байна вэ.

Сэтгэгдэл үлдээх



Энэ мэдээ танд таалагдаж байвал LIKE хийгээрэй. Танд баярлалаа.

Соргог онцлох

Нэг өрхийн сарын дундаж бодит нийт орлого өмнөх улирлаас 6.6 хувиар өслөө
Үндсэн хуулийн цэц хуралдана
Энэ жилийн хамгийн үнэтэй 10 автомашины брэнд
Б.Хурц нарын есөн хүнд холбогдох гэм буруугийн шүүх хурал өнөөдөр болно
Д.Нямхүү: Дахин хоёр хүн эмчилэгдэж, ХӨСҮТ-ээс гарлаа
Баянзүрх дүүрэгт МАН-аас рейтинг өндөртэй улстөрчид үзэх нь
Хулгайлсан автомашиныхаа арлын дугаарыг өөрчлөн зарж борлуулах гэж байсныг илрүүллээ
Хотын төвийн авто зогсоолуудыг нэгдсэн менежментэд оруулж эхэллээ
Алтанбулаг боомтоор орж ирсэн 205 иргэнийг Орхон, Сэлэнгэ, Дархан-Уул аймагт тусгаарлажээ
Улаанбаатар хотод эм, эмнэлэгийн хэрэгслийн төвлөрсөн агуулахыг барьж байгуулна
Узбекистанд их, дээд сургуулийн элсэлтийн шалгалтыг хялбаршуулсан хэлбэрээр зохион байгуулна
Шүүх Э.Оюунболд аваргын нэхэмжлэлийг хэрхэн шийдэх вэ?
БНХАУ-ын пуужин Атлантын далайд унаж дэлбэрчээ
Хахууль авсан хэрэгт холбогдсон шүүгчдийн гэм буруутай, эсэхийг хэлэлцэж эхэллээ
Сонгуулийн маргааш л бут үсрэх Ардчилсан намын түр эвлэрэл
COVID-19: Халдварласан хүний тоо 4,525,000 давж, 303,371 хүн нас баржээ
Хамгийн олон хууль санаачилж батлуулсан гишүүд
УИХ-ын сонгуульд нэр дэвшигчдийн ХОМ авах сүүлийн хугацаа энэ сарын 19
Хэнтий аймагт орон нутгийн замын хөдөлгөөнийг хязгаарлана
Цаг агаарын гамшигт үзэгдлээс сэрэмжлүүлж байна!