ОХУ-д үйлдвэрлэгдсэн С-400 агаарын довтолгооноос эсэргүүцэн хамгаалах зенитийн пуужингийн цогцолборыг худалдаж авах хүсэлтээ тавьсан багаар бодоход 13 улс байгаа гэнэ. АНУ-ын тагнуулын албаны эх сурвалжаас аван CNBC телевиз энэ талаар мэдээллээ. Уг мэдээлэлд дурдсанаар бол Саудын Араб, Катар, Алжир, Марокко, Египт, Вьетнам, Иракт энэ асуудлыг ид хэлэлцэж байгаа гэнэ.

ОХУ-аас зенитийн пуужингийн цогцолбор худалдаж авах нь АНУ-аас авахаас ямар давуу талтай болохыг нэгэн эх сурвалж хэлж өгсөн талаар уг мэдээлэлд өгүүлсэн байна. Эх сурвалжийн хэлснээр бол, худалдан авах ажиллагаа илүү амар арга замаар явагддаг нь ОХУ-ын давуу тал гэжээ. АНУ-аас өндөр технологийн зэвсэг худалдаж авахын тулд хэд, хэдэн яам, агентлагаар хэлэлцүүлж, зөвшөөрөл авах ёстой байдаг. Харин ОХУ-иай харилцахад ийм олон шат дамжлага хүлээх шаардлагагүй гэнэ. С-400 цогцолборын тухайд, “Төгс биш ч АНУ-ын THAAD системээс хангалттай илүү” гэж эх сурвалж өгүүлсэн байна.

ОХУ-д үйлдвэрлэсэн С-400 “Триумф” зенитийн пуужингийн цогцолбор нь одоогоор бүтээгдээд буй агаарын довтолгооны орчин үеийн бүх зэвсэглэлийг замд нь барьж устгах хүчин чадалтай юм.