2018-08-31
Баян-Өлгий /МОНЦАМЭ/. Баян-Өлгий аймгийн Цэнгэл сумын Загаст нуур багийн нутаг дэвсгэр болох Хатуу хэмээх газраас сураггүй болсон хүүхдийн цогцос гурван сарын дараа голын уснаас олдсон байна.
Тус сумын Загаст нуур багийн иргэн Ш-гийн гурван настай хүү Н өнгөрсөн зургадугаар сарын зургааны өдөр гэрийнхээ орчим сураггүй алга болсон юм. Уг газар нь сумын төвөөсөө 60 гаруй километр зайд оршдог байна. Аймгийн Онцгой байдлын газрын алба хаагчид, сумын мэргэжлийн анги, ард иргэд эрэн хайх ажиллагааг хорь орчим хоног зохион байгуулсан ч ул мөр олоогүй ажээ. Үүнээс болж зарим хүмүүс хүүхдийг тас шувуу шүүрсэн байж болзошгүй гэсэн таамгийг тухайн үед дэвшүүлээд байсан юм.
Хүүхдийн эцэг эхийн саналаар эрэн хайх ажиллагааг зургадугаар сарын 20-ны өдрөөс зогсоожээ.
Харин хөрш айлын хүмүүс хүүхдийн цогцсыг гэрээсээ гурван километр орчим зайтай газарт Хатуу голын уснаас өчигдөр /2018.08.30/ олсон байна.
ЦАГ АГААР
°C/°C
°C/°C
°C/°C
Төстэй мэдээнүүд