Хил дээр тусгаарлагдсан хүүхдүүд эцэг эхтэйгээ уулзлаа

2018-07-04

Буена Вентура Мартин Годинезийн гэр бүл aмерикийн хилээр гарч явахдаа хилийн харуулд баригдан тусгаарлагджээ. Түүний охин дөнгөж долоон настай. Охиныг нь Мичиган дахь тусгаарлах байранд байлгаж байсан байна. Мартин хоёр сар гаруйн хугацаанд гэр бүлийнхэнтэйгээ уулзалгүй хоригдож байгаад уулзаж байгаа нь энэ юм. Мартин хүүгийн хамт өнгөрсөн тавдугаар сард Мексикийн хилээр гарсан. Хоёр долоо хоногийн дараа түүний нөхөр охины хамтаар Мексикийн хил давжээ. Тэд бүгд харуулын цэрэгт баригдан тусгаарлагдсан юм.

Иозелин Ямилет Веласкуез Алеменгор 12 настай. Долдугаар сарын 1-нд Лос Анжелесийн нисэх онгоцны буудал дээр ээжтэйгээ уулзаж байгаа нь энэ. Тэднийг сарын өмнө Сан Луйсийн хил дээр тусгаарласан юм.

Лудин болон түүний гэр бүл АНУ-ын хилээр хууль бусаар нэвтэрснийх нь дараа Лудинийг хүүхдүүдээс нь салган, хорих газар луу аваачжээ. Лудин хүү, охин хоёртой. Лудиний гэр бүл уулзалгүй 40 хоног болсны эцэст дахин уулзаж буй агшин сэтгэл өвдмөөр.

Лудиний гэр бүл АНУ-ын хил дээр гэр бүлээсээ тусгаарлагдсан 2000 гаруй гэр бүлийн нэг юм.

АНУ-ын ерөнхийлөгч Дональд Трампын засаг захиргаа өнгөрсөн тавдугаар сард цагаачлалын бодлогоо чангатган АНУ-ын хилээр хууль бусаар нэвтрэхийг оролдсон иргэдийг эрүүгийн хуулиар баривчлан хорих шийдвэрийг зарласан. ‘Zero tolerance’ буюу өршөөлгүй хуулийн үр дүнд 2000 гаруй хүүхдүүд эцэг эхээсээ тусгаарлагдсан байдалтай байсан юм.

Олон шүүмжлэл дагуулсны эцэст Трампын засаг захиргаа хүүхдүүдийг эцэг эхтэй нь хамт байлгах шийдвэрийг гаргасан юм. Хууль бусаар Америкийн хил нэвтрэх гэсэн Мексик иргэдийн асуудал шийдэгдэх хүртэл хэдэн сар бүр цаашлаад жилийн хугацаа шаардагдах тул хүүхдүүдийг нь хамт байлгахаас өөр арга байхгүй гэж АНУ-ын Хууль зүйн яам мэдэгдсэн юм. Ерөнхийлөгч Трампын цагаачлалын бодлогоос болоод хичнээн хүүхэд өнчирч, гэр бүлүүд хагацсан нь одоогоор тодорхойгүй байна. Дотоодын аюулгүй байдлын газрын мэдээлснээр тавдугаар сараас хойш 522 хүүхэд эцэг эхтэйгээ уулзсан гэж мэдэгдээд байгаа аж. 

Сэтгэгдэл үлдээх



Энэ мэдээ танд таалагдаж байвал LIKE хийгээрэй. Танд баярлалаа.

Соргог онцлох

Д.Оюунхорол: Надад зуслангийн ойролцоо эзэмшдэг газар байхгүй
Хамгийн сүүлд Африкаас Америк руу боол тээвэрлэж ирсэн хөлгийн үлдэгдлийг олжээ
Ичиножо А.Ичинноров эрсдэлтэй шийдвэр гаргалаа
Сурагчдын зуны амралтын хуваарь
Хятад яагаад өрнөдийг дагахыг хүсдэггүй вэ
"Мобиком" корпорацийн удирдлагуудыг АТГ шалгаж эхэллээ
Б.Хурцын цагдан хорих хугацааг сунгах саналаас татгалзсан шийдвэр гаргалаа
"Гэр бүл, хүүхдэд ээлтэй эрх зүйн орчныг бүрдүүлэх нь"
Ё.Баатарбилэг: Ерөнхий боловсролын сургуульд сэтгэл зүйч ажиллуулах шаардлагатай
Танилц: 2019-2020 онд нийслэлд хийгдэх бүтээн байгуулалтууд
Хүүхдүүд олноороо ДОХ-ын халдвар авчээ
Яармагийн гүүрийн замын хөдөлгөөнийг нээлээ
Дулааны шугам сүлжээнд их засвар хийх тул байгууллага, иргэдийн анхаарах ёстой зургаан зөвлөмж
МАН-ынхан энэ сарын 28-нд нэр дэвшигчээ тодруулна
Сонгуулийн дүнг зарласны дараа Индонезид мөргөлдөөн гарснаас 6 хүн амиа алдлаа
Мах үнэтэй хэдий ч олдоц нь хомс байна
Цэргийн бэлтгэл сургалт явагдаж байна
Өмнөд Солонгост ажлын дөрвөн өдөртэй долоо хоногийг туршиж эхэлжээ
Ерөнхий сайд хүсэлтээ гаргасан хүүхэд бүрт хүүхдийн мөнгө олгохыг үүрэг болгов
Дугаарын хязгаарлалтын бүсчлэлийг өнөөдрөөс эхлэн багасгасан тойргоор мөрдөхөөр боллоо