2018-05-24
Нийслэлийн ерөнхий боловсролын сургуулиудын 8 дугаар ангийн сурагчдад хог хаягдлын ангилан хаях, түүнийг дахин боловсруулахын ач холбогдлыг сурталчилан таниулах, зөв дадалд сургах зорилгоор ээлжит сургалтаа БОАЖЯ-ны харьяа Цэнгэг усны нөөц, байгаль хамгаалах төв болон Улаанбаатар Хангарьд Ротари Клуб, Австралийн КЕСАБ Байгаль Орчны Шийдэл ТББ-тай хамтран зохион байгууллаа.
Сургалтыг нээж БОАЖЯ-ны Төрийн нарийн бичгийн дарга Ц.Цэнгэл үг хэлж, БОАЖЯ-ны сайдын санаачлан хэрэгжүүлж буй “Ногоон паспорт”-ыг сурагчдад олгосон.
Уг сургалтын онцлог нь сурагчид Австралийн олон жилийн туршлагатай, мэргэжлийн багш нар хогоо хэрхэн ангилан хаях, түүнийг дахин боловсруулахын ач холбогдлыг сурталчилан таниулж, хэрхэн өөртөө болон бусдад зөв хандлагатай болоход туслах талаар сургалт орох бол ангилан ялгасан хогоо ямар цагийн хуваарийн дагуу ямар тээврийн хэрэгслээр хэрхэн хогийн цэгүүдэд хүрдэг болохыг, түүнчлэн амьдарч буй орчныхоо хогийн хуваарийг хэрхэн амжилттай зохион байгуулж болох талаар Гэр Мап төслийнхөн танилцуулж, Монголын Үндэсний Хог хаягдлыг дахин боловсруулах холбоо Эко Парк төслийн хүрээнд байгуулагдаж буй хог дахин боловсруулах үйлдвэрүүдийн мэдээллийг хүргэлээ.
Улаанбаатар Хангарьд Ротари Клуб нь иргэдэд хог хаягдлыг ангилан хаях, түүнийг дахин боловсруулахын ач холбогдлыг сурталчилан таниулах, зөв дадалд сургах зорилгоор Австралийн бичил төслийн санхүүжилтээр Ногоон Замнал, Шидэт тоосго зэрэг төслүүдийг амжилттай хэрэгжүүлж байна.
ЦАГ АГААР
°C/°C
°C/°C
°C/°C
Төстэй мэдээнүүд