Жил бүрийн 3 дугаар сарын 22-ны өдрийг НҮБ-ийн санаачилгаар Дэлхийн усны өдөр болгон тэмдэглэж, дэлхийн бүхий л улс орнууд өөрсдийн хэрэгжүүлж байгаа усны талаарх бодлогын хэрэгжилтээ дүгнэж үзэх, цаашид баримтлах бодлогодоо шинэчлэл хийх, бодлогын хэрэгжилтээ эрчимжүүлэх асуудлыг олон талаас нь хэлэлцдэг билээ.

Байгаль орчин, аялал жуулчлалын яамнаас Засгийн газрын хэрэг эрхлэх газартай хамтран дэлхийн усны өдөрт зориулсан “Монгол Улсын усны нөөц, ашиглалт, хамгаалалт, усны бодлогын хэрэгжилт” сэдэвт хэлэлцүүлэг зохион байгууллаа. Уг хэлэлцүүлэгт БОАЖЯ, БХБЯ, ЭХЯ, НЗДТГ, МУ-ын Засгийн газар, АНУ-ын “Мянганы сорилтын корпораци” хооронд байгуулах хоёр дахь Компакт гэрээ боловсруулах Үндэсний ажлын алба, Дэлхийн банкны “2030 Усны нөөцийн бүлэг” болон бусад холбогдох газруудын төлөөллүүд оролцож өөрсдийн хэрэгжүүлж байгаа усны бодлогоо эргэн дүгнэх, цаашид баримтлах бодлогодоо ямар тодотгол, өөрчлөлт хийх шаардлагатай вэ, ямар асуудалд онцгой анхаарах ёстой вэ гэдгийг хэлэлцүүлэгт оролцогч талууд ярилцсан юм.