Монголын үндэсний сагсан бөмбөгийн холбооноос U18 насны улсын аварга шалгаруулах тэмцээнийг (УАШТ) нэгдүгээр сарын 15-19-ний хооронд “Буянт-Ухаа” спортын ордонд зохион байгууллаа.

Энэ удаагийн УАШТ-д хот, хөдөөгийн эрэгтэй 26, эмэгтэй 10 багийн тамирчид оролцлоо. Энэхүү тэмцээн сагсан бөмбөгийн спортыг үргэлж дэмждэг, эгнээнээсээ Монгол улсын шигшээ багт багтдаг шилдэг тамирчдыг төрүүлсэн “Отгонтэнгэр” их сургуулийн нэрэмжит болгон зохион байгуулагдсан бөгөөд эрэгтэй, эмэгтэй шилдэг тоглогч болох М.Өлзий-Орших, н.Цэлмэг болон н.Булган нарыг тус сургуульд үнэгүй суралцах эрхээр шагнажээ.

ТЭМЦЭЭНИЙ ДҮН:

Эрэгтэй:

• Алтан медаль: Б.Үүрдсайхан дасгалжуулагчтай “Багануур ST”
• Мөнгөн медаль: Д.Лхагваа дасгалжуулагчтай “Ирээдүй” цогцолбор сургуулийн баг
• Хүрэл медаль: Баттогтох дасгалжуулагчтай Говьсүмбэр аймгийн баг  

Эмэгтэй:

• Алтан медаль: Гэрэлт-Од дасгалжуулагчтай Хан-Уул дүүргийн 52 сургуулийн баг
• Мөнгөн медаль: Б.Пүрэвсүрэн дасгалжуулагчтай Баянгол дүүргийн баг
• Хүрэл медаль: ОУХМ Д.Гүржав дасгалжуулагчтай Дархан-Уул аймгийн баг

Шилдэг тоглогч:

• Эрэгтэй: М.Өлзий-Орших  (Багануур ST)
• Эмэгтэй: Цэлмэг (Хан-Уул)

Шилдэг дасгалжуулагч:

• Б.Үүрдсайхан (Багануур ST), Д.Лхагваа (“Ирээдүй” цогцолбор), Гэрэлт-Од (Хан-Уул), Баттогтох (Говьсүмбэр), Б.Пүрэвсүрэн (Баянгол), Д.Гүржав (Дархан-Уул)

Гарааны таван тоглогч:

Эрэгтэй: Төвийн тоглогчоор Батзаяа (Завхан), хүчний тоглогчоор н.Ихбаяр (Багануур ST), довтлон тоглогчоор н.Мөнхтөр (“Ирээдүй” цогцолбор), хамгаалан тоглогчоор н.Мөнх-Оргил (Говьсүмбэр), холбон тоглогчоор н.Дашравдан (“Ирээдүй” цогцолбор)

Эмэгтэй: Төвийн тоглогчоор Булган (Хан-Уул), хүчний тоглогчоор н.Эрдэнэ-Од (Дархан-Уул), довтлон тоглогч н.Гэрэлмаа (Баянгол), хамгаалан тоглогч н.Болортуяа (Дархан-Уул), холбогчоор н.Анужин (Дархан-Уул)  тус тус шалгарсан байна.