Дэлхийн нийт хүүхдийн 60 хувь нь өдөр бүр интернетээр бусадтай харилцаж байна

2018-01-05

Бал хэрэглэж сурахаасаа өмнө “ipad” хэрэглэж сурч байгаа орчин цагийн хүнийг дижитал иргэн гэж дэлхий дахинаа нэрлэж байна. Дижитал иргэд маш их цагийг орчин үеийн технологи хэрэглэн өнгөрөөж, онлайнд хувийн мэдээллээ хуваалцах нь эрс нэмэгджээ. Сүүлд хийгдсэн судалгаагаар дэлхийн нийт хүүхдийн 60 хувь нь өдөр бүр интернетээр бусадтай харилцаж байгаа бол Монголд хийгдсэн судалгаагаар 10 хүүхэд тутмын зургаа нь цахим хэрэглээгээр дамжуулан мэдээллээ олж авдаг болжээ.

Дэлхий даяар цахим гадуурхал хэр байдгийг хянадаг Nobullying байгууллагын мэдээлснээр өсвөр насны 10 хүүхэд тутмын долоо нь цахим гадуурхалд өртдөг байна. Харин дотоодод байгаа тоо баримтуудыг харвал, 4-18 насны 10 хүүхэд тутмын долоо нь цахим тоглоом, гар утас, интернетийг зохисгүй буюу эрүүл мэнд, сэтгэхүйд сөргөөр нөлөөлөх хэмжээнд хэрэглэх болжээ. Мөн сурагчдын 70 хувь нь садар самуун болон хуулиар хориглосон мэдээ мэдээллийг цахим орчноор дамжуулан байнга авсаар байгаа гэжээ.

Гадуурхал нь зөвхөн бодитоор үйлдэгддэг байсан бол одоо технологийн нөлөөллөөс болж хүүхэд гэртээ ч гэсэн гадуурхагдаж, дарамтад байгаа гэх ойлголтыг олон улс орон өргөн хүрээнд авч үзэх болсон. Үүнтэй холбоотой дотоодын тоо баримт дурдвал, сүүлийн таван жилийн хугацаанд 92 хүүхэд амиа хорлосон бөгөөд 10 хувь нь цахим орчноос ирсэн дарамт шахалт шууд болон шууд бусаар нөлөөлсөн гэж үздэг байна. Харин цахим орчны хамгийн том сөрөг тал нь хүүхдийн цахим аюулгүй байдал гэж үзээд дэлхийн улс орнууд хүүхдийг цахим халдлагаас хамгаалах стратегийг боловсруулж, мөрдөх болжээ.

Хуулийн шинэчлэл, иргэний нийгмийн байгууллагын оролцоо, ойлголт мэдлэгийг дээшлүүлэх зэрэг маш олон ажил хийгдэж байгаа хэдий ч хүүхдийн дижитал хэрэглээнд эцэг, эх, багшийн нөлөө хамгийн их бөгөөд таван настай хүүхдэдээ өдөрт дээд тал нь 35 минут, 6-7 настай хүүхдэдээ 40 минутаас илүү зурагт болон гар утас хэрэглүүлэхгүй байхыг мэргэжлийн байгууллагуудаас зөвлөж байгаа юм.

Сэтгэгдэл үлдээх



Энэ мэдээ танд таалагдаж байвал LIKE хийгээрэй. Танд баярлалаа.

Соргог онцлох

1-5 дугаар ангийн сурагчдад Монгол ёс, хүмүүжлийн хичээл орно
Франц улс юу хүлээж байна вэ?
Тарваган тахлын эсрэг дархлаажуулалт ирэх долоо хоногт орон даяар эхэлнэ
ЗГ: Хөх хот дахь Ерөнхий консулыг эгүүлэн татлаа
NASA-гийн судлах дараагийн сансрын биет нь Санчир гарагийн дагуул Титан байна
“Их 20”-ийн уулзалтын гол дүрүүд
Хөшигийн хөндийн нисэх буудлын менежментийн төслийг Монгол, Японы хамтарсан компани концессоор хэрэгжүүлэхээр боллоо
З.Орхонсүрэн: Цаг алдсаны улмаас хутгалуулсан иргэн цус алдаж, ухаан балартсан байсан
Хүүхдэд өгч болохгүй хориотой эмийн жагсаалт
Залуусыг буруу зүйлд уриалж буй шинэ цагийн ХИП ХОП
Үсчин, гоо сайхны газрууд хэрэглэсэн багажаа халдваргүйжүүлдэггүй зөрчил нийтлэг илэрчээ
Мадурогийн амийг хорлох хуйвалдааныг илрүүлснээ Венесуэлийн засгийн газар зарлажээ
Европ тивд хагас тонн жинтэй шувуу хүмүүстэй зэрэгцэн амьдарч байсныг эрдэмтэд баталжээ
Ж.Ганхуяг: Гарцын тэмдэглэгээг тодотгохын тулд шар хаалгануудыг байрлуулсан
Монголд хар тамхи байнга хэрэглэдэг 708 хүн байна
Наадмын түүхийг гажуудуулсан алдас буюу баримтат үнэн оршвой
Азийн улс төрийн намуудын олон улсын бага хурлыг Монгол улсад зохион байгуулахаар болов
Европын амьтны хүрээлэнгүүдэд төрсөн хирснүүдийг Руанда руу шилжүүлжээ
Виктория Бекхэм нууцаа ”задаллаа”
"Ираны эсрэг АНУ-ын хоригууд бол эдийн засгийн терроризм"