12 ДУГААР САРЫН 1-НИЙ ӨДӨР
1. Өнөөдөр бол жилийн 335 дахь өдөр бөгөөд он дуусахад 30 хоног үлдлээ.
2. Цаг агаар өдөртөө -11 хэмийн хүйтэн бол шөнөдөө -22 градус хүйтэн байх нь ээ. Өдөртөө бага зэргийн цас орох гэнэ.
3. Билгийн тооллын 13, есөн улаан мэнгэтэй хар нохой өдөр. Өнөөдөр үсээ авахуулах буюу засуулбал жаргал ирэх гэнэ. Энэ өдөр морь жилтнээ аливаа үйлийг хийхэд эерэг сайн, бар, туулай жилтнээ сөрөг муу нөлөөтэй тул аливаа үйлийг хийхдээ анхаарал болгоомжтой байхыг од эрхэс сануулж байна.
4. Манай улсын голлох валют болох ам.долларын ханш 2447.00 төгрөгтэй тэнцэж байгаа бол бусад валют болох рубль 42.10, юань 370.00, вон 2.22 төгрөг байна.
ӨНӨӨДӨР БОЛОХ ОНЦЛОХ ҮЙЛ ЯВДЛУУД: 
1. СХД-ийн 22-р хороо Дотоодын цэргийн 05 дугаар анги дээр 11.40 цагт Дотоодын цэргийн 05 дугаар ангийн бие бүрэлдэхүүн "Цэргийн тангараг" өргөх ёслолын ажиллагаа болно.
2. 11.00 цагт Улсын их хурлын дэд дарга асан Л.Цогийн "Торгоны зам аюулгүй хөгжлийн судалгааны академи"-н ТББ-н номын нээлт болно.
3. 16.00 цагаас UB palace Royal танхимд Баянгол дүүрэг дэх цагдаагийн хоёрдугаар хэлтсээс алба хаагчдын ар гэрийнхэнтэй хийх уулзалт өдөрлөг болно.
4. "Цэвдэгт бүс нутгийн авто замд тулгамдаж буй асуудлууд" сэдэвт онол, практикийн бага хурал Корпорате зочид буудлын "Улаанбаатар танхимд 09.00- 13.00 цагийн хооронд болно.
5. 14.00 цагт Үндэсний Батлан хамгаалахын их сургуулийн Олон улсын хурлын танхимд "Өнөөгийн нийгмийн хөгжилд хүний оюун санааны хүчин зүйлийн гүйцэтгэх үүрэг" сэдэвт эрдэм шинжилгээний хурал болно.
6. Захирагчийн ажлын алба "А заал"-нд 11.30 цагт НИТХ-аас нийслэлд авлигаас урьдчилан сэргийлэх үүрэг бүхий Олон нийтийн дэд зөвлөлийг байгуулсан талаар мэдээлнэ.
7. "Бид сэргийлж чадна. Харин та..." 10 хоногийн аяны нээлт Төмөр Замын дээд сургууль дээр 09.00 цагт болно. 
ЭНЭ ӨДӨР ДЭЛХИЙН ТҮҮХЭНД: 
1. Энэ өдрийг дэлхий нийтээр ДОХ өвчний халдварын тархалтын эсрэг өдөр болгон тэмдэглэж байна.
2. 1995 онд АНУ-ын алдарт дуучин Франк Синатрагийн эд зүйлийг дуудлага худалдаанд оруулж, нийтдээ 2.072.000 сая доллараар зарагдаж байжээ.
3. 1896 оны энэ өдөр Зөвлөлтийн цэргийн жанжин Георгий Жуков мэндэлж байжээ.
4. 1994 онд анхны иргэний агаарын тээврийг үүсгэн санаачилж байжээ. 
5. 1941 онд Их Британичууд Малайз руу довтолсон Японы эмпиралистуудын эсрэг дайн зарлахаа мэдэгдэж байжээ.