Өглөөд заавал мэдэж байх ёстой зүйлүүд:

1. Өнөөдөр бол жилийн 334 дахь өдөр бөгөөд он дуусахад 31 хоног үлдлээ.
2. Цаг агаар өдөртөө -14 хэмийн хүйтэн бол шөнөдөө -24 градус хүйтэн байх нь ээ. 
3. Билгийн тооллын 12, нэг цагаан мэнгэтэй цагаагчин тахиа өдөр. Өнөөдөр үсээ авахуулах буюу засуулбал өвчин эмгэг ирэх гэнэ. Энэ өдөр могой жилтнээ аливаа үйлийг хийхэд эерэг сайн, үхэр, луу, хонь, нохой жилтнээ сөрөг муу нөлөөтэй тул аливаа үйлийг хийхдээ анхаарал болгоомжтой байхыг од эрхэс сануулж байна.
4. Манай улсын голлох валют болох ам.долларын ханш 2448.00 төгрөгтэй тэнцэж байгаа бол бусад валют болох рубль 42.10, юань 371.70, вон 2.22 төгрөг байна.

Өнөөдөр болох онцлох үйл явдлууд: 

1. MN-Мэдээллийн төвд 11.00 цагаас БЗД-ийн ИТХ дахь МАН-ын бүлгээс дүүргийн төсөвтэй холбоотой хууль бус асуудлаар сэтгүүлчдэд мэдээлэл хийнэ.
2. “Монгол үндэсний тавилгаараа гоёцгооё” өдөрлөг зохион байгуулж, 1000 авдар үнэгүй тараахаар болжээ. Энэ талаар “Гэрэлт эдлэл” компаниас 11.00 цагаас Үндэсний мэдээллийн төвд мэдээлэл хийнэ. 
3. Хөгжлийн бэрхшээлтэй хүмүүсийн олон улсын эрхийн өдрийг угтан СЗСҮТ, МУИС-тай хамтран “ХАНДЛАГЫГ ӨӨРЧИЛЖ, ХАМТДАА ХӨГЖЬЕ” өдөрлөгийг 09.00 цагаас МУИС-ийн Номын сангийн 2 давхарт зохион байгуулна.
4. 10.30 цагт Архивын ерөнхий газарт "Архивч-2017" ажил мэргэжлийн уралдаан болно. 
5. 18.00 цагт Ерөнхий сайд У.Хүрэлсүх нийслэлийн утааны голомт бүхий 4 цэгт очиж ажиллана.
6. "Чингис" зочид буудлын хурлын танхимд Залуучуудын хөдөлмөр эрхлэлтийн шинэ үйлчилгээг туршин хэрэгжүүлэх чиглэлээр аймаг, дүүргүүдийн Хөдөлмөр, халамжийн үйлчилгээний газар, хэлтсийн дарга нарыг оролцуулсан томоохон арга хэмжээ 09.00-15.00 цагийн хооронд болно.
7. 12.00 цагт Ханын материалын 9-р сургууль дээр УИХ-ын гишүүн Х.Нямбаатарын санаачилсан дүүргийнхээ 8000 хүүхдийн шүдийг үнэ төлбөргүй эмчлэх "Хүүхдийн инээмсэглэл" зорилтот төслийн 2 дахь эмнэлгийн нээлт болно.

Энэ өдөр дэлхийн түүхэнд: 

1. 1985 оны энэ өдөр Америкийн жүжигчин Кейли Куоко мэндэлжээ.
2. Мөн 1984 оны энэ өдөр Нидерландын хөлбөмбөгчин Найжел Де Йонг мэндэлжээ.
3. 1982 онд Майкл Жексоны хоёр дох соло албум болох "Thriller" цацагджээ. Тус цомог нь бүх цаг үеийн хамгийн их борлуулалттай цомгоор шалгарсан байна.
4. 1995 онд Америк болон Иракийн дайн албан ёсоор дуусчээ.
5. 1966 онд Барбарос Их Британиас салан тусгаарлажээ.