Нийслэлд өнөөдөр 13:00 цагийн орчимд нийслэлд чичирхийлэл мэдрэгдсэн талаар бид мэдээлсэн. Эмээлт орчимд газар хөдлөлт болоогүй, уул уурхайн тэсэлгээ хийсэн Одон орон, геофизикийн хүрээлэнгийн эрдэм шинжилгээний ажилтан мэдээлсэн. 

Тэгвэл Эмээлт орчимд дэлбэрэлт болсон гэх мэдээллийн талаар Мэргэжлийн хяналтын ерөнхий газраас  "Өдрийн 13:00 цагт Улаанбаатар-Дархан чиглэлийн замыг шинэчлэх алжын хүрээнд замын хайрга, дайрга бэлтгэх зорилгоор “Арж капитал” ХХК-ийн захиалгаар, МХЕГ-аас олгосон “Тэсрэх бодис, тэсэлгээний хэрэгсэл ашиглах хяналтын хуудас”-ын дагуу, тэсэлгээний ажил үйлчилгээ явуулах тусгай зөвшөөрөл бүхий “Их-оч” ХХК Сонгинохайрхан дүүргийн 32-р хороонд замын трастын дагуу тэсэлгээ хийсэн.  Энэхүү тэсэлгээг хийхэд хууль, дүрэм журам зөрчигдөөгүй бөгөөд тухайн аж ахуйн нэгжээс Сонгинохайрхан дүүргийн 32-р хорооны Засаг дарга, цагдаа зэрэг холбогдох байгууллагад урьдчилан мэдэгдэж, албан бичиг хүргүүлсэн" гэв.