Засгийн газрын хуралдаанаар Монгол Улсаас Бүгд найрамдах Тува улсад суух ерөнхий консулаар Чимэдийн Ганболд, Хонконгод суух Ерөнхий консулаар Гүндэгмаагийн Жаргалсайхан нарыг томиллоо.

Хонконгод суух консулаар томилогдсон Г.Жаргалсайхан нь 1966 онд Улаанбаатар хотод төрсөн. 1994 онд ХИС-ийг Англи, Франц хэлний багш орчуулагчаар төгссөн бөгөөд Англи, Орос, Франц хэлтэй аж. Тэрээр

• 1992-1996 онд Нийгмийн хамгаалал, хөдөлмөрийн яам
• 1996-2001 онд Оюуны өмчийн газар
• 2001-2002 онд Женевт ДОӨБ
• 2002-2005 онд ОТИС-д гадаад харилцаа эрхэлсэн референт
• 2005 онд ОТИС-н Хүмүүнлэгийн сургуулийн захирал
• 2007-2009 онд ОТИС-н удирдах зөвлөлийн дарга, Гадаад харилцааны захирал
• 2010 онд Гадаад харилцааны яамны Гадаад худалдаа, эдийн засгийн хэлтсийн дарга
• 2011-2019 онд Юнескогийн Монголын үндэсний комиссын ерөнхий нарийн бичгийн дарга
• 2018 онд ОТИС-ийн Удирдах зөвлөлийн даргаар тус тус ажиллаж байжээ.