Дарханчууд өнөөдөр, Налайхчууд ирэх даваа гарагт баярлана

2019-11-01

Улаанбаатар-Дарханы чиглэлийн замыг ирэх арваннэгдүгээр сарын 1-нд нээнэ гэдгийг Зам тээврийн хөгжлийн яамнаас мэдэгдсэн. Тэгвэл өнөөдөр Улаанбаатар-Дархан чиглэлийн 204 км замын зорчих хэсгийг аюулгүй болгож хөдөлгөөнийг нээх гэж байна.

Зам, тээврийн хөгжлийн сайдын 2019 оны зургадугаар сарын 13-ны өдрийн “Авто зам хаах, чиглэл өөрчлөх тухай” 192 дугаар тушаалын дагуу “Улаанбаатар-Дархан” чиглэлийн 204.11 км хатуу хучилттай авто замын их засвар, шинэчлэлтийн ажил эхэлж байгаатай холбогдуулан өнгөрөгч долоодугаар сараас 2019.07.15/ эхлэн уг авто замыг улсын ашиглалтад оруулах хүртэл хугацаанд, тээврийн хэрэгслийн хөдөлгөөнийг хааж, тээвэрлэлтийг түр замаар хөдөлгөөнд оролцуулж эхэлсэн.

Дөрвөн сарын турш үргэлжилсэн зам засварын томоохон бүтээн байгуулалт, ажлын гүйцэтгэл 100 хувьд хүрээгүй ч хөдөлгөөний аюулгүй байдлыг хангаж Улаанбаатар-Дархан чиглэлийн автозамыг өнөөдөр /2019.11.01/ нээхээр болсон аж. Ирэх хавраас бүтээн байгуулалтын ажил дахин үргэлжлэх юм байна.

Олон жилийн турш эхлэл донхолтой замаар зорчсон Дарханчууд ийнхүү шинэ замаа өнөөдөр өлгийдөх нь. Харин мөн л энд тэндгүй нүх сүв, эвдрэл үүссэн замаар дүүрэг, хот хоёрын хооронд зорчиж арайхан ажил, амьдралаа залгуулж яваа Налайхчууд ирэх даваа гарагаас шинэ замаар сүнгэнэнэ.

Гачууртын уулзвараас Налайх-Чойрын уулзвар хүртэлх 20,9 км авто замын зорчих хэсгийн хөдөлгөөнийг 10 дугаар сарын 29-ны өдрөөс 11 дүгээр сарын 01-ний хооронд нээхээр ажиллаж байна гэж Нийслэлийн зам, тээврийн асуудал хариуцсан төслүүдийн удирдагч Б.Отгонсүх мэдээллэсэн. Өнөөдөр нээх байсан ч бүрэн тохижилт дуусаагүй гэх шалтгаанаар дахин гурав хоног хойшлуулж арваннэгдүгээр сарын 4-нд замыг нээхээр болоод буй.

Төслийн хүрээнд :


20.9 км авто зам, 38 байршилд ус зайлуулах хоолой


3 байршилд нүхэн гарц, Хөлийн голын 20.75 у/м гүүр


5 байршилд явган хүний гүүрэн гарц, явган хүний зам, дугуйн зам баригдахаас


38 байршилд ус зайлуулах хоолой,


Хөлийн голын 20.75 у/м гүүрийн ажлууд бүрэн дуусчээ.

Мөн 900 ширхэг гэрлийн шонг 30 метр тутамд байршуулах ажил дуусах шатандаа орсон бол, тэмдэгний шон байрлуулах, шинэ гүүр рүү хэвтээ тэмдэглэл хийх ажлууд үргэлжилж байгаа юм байна.

Энэ жилийн их бүтээн байгуулалт, иргэдийн мөрөөдөл шахуу болсон хүлээлт энэхүү хоёр зам байлаа. Налайхын зам иж бүрэн, Дарханы зам хагас дутуу ч хөдөлгөөний аюулгүй байдлыг ханган нээж буй гэдгийг албаныхан хэлж байна.

Сэтгэгдэл үлдээх



Энэ мэдээ танд таалагдаж байвал LIKE хийгээрэй. Танд баярлалаа.

Соргог онцлох

Нэг өрхийн сарын дундаж бодит нийт орлого өмнөх улирлаас 6.6 хувиар өслөө
Үндсэн хуулийн цэц хуралдана
Энэ жилийн хамгийн үнэтэй 10 автомашины брэнд
Б.Хурц нарын есөн хүнд холбогдох гэм буруугийн шүүх хурал өнөөдөр болно
Д.Нямхүү: Дахин хоёр хүн эмчилэгдэж, ХӨСҮТ-ээс гарлаа
Баянзүрх дүүрэгт МАН-аас рейтинг өндөртэй улстөрчид үзэх нь
Хулгайлсан автомашиныхаа арлын дугаарыг өөрчлөн зарж борлуулах гэж байсныг илрүүллээ
Хотын төвийн авто зогсоолуудыг нэгдсэн менежментэд оруулж эхэллээ
Алтанбулаг боомтоор орж ирсэн 205 иргэнийг Орхон, Сэлэнгэ, Дархан-Уул аймагт тусгаарлажээ
Улаанбаатар хотод эм, эмнэлэгийн хэрэгслийн төвлөрсөн агуулахыг барьж байгуулна
Узбекистанд их, дээд сургуулийн элсэлтийн шалгалтыг хялбаршуулсан хэлбэрээр зохион байгуулна
Шүүх Э.Оюунболд аваргын нэхэмжлэлийг хэрхэн шийдэх вэ?
БНХАУ-ын пуужин Атлантын далайд унаж дэлбэрчээ
Хахууль авсан хэрэгт холбогдсон шүүгчдийн гэм буруутай, эсэхийг хэлэлцэж эхэллээ
Сонгуулийн маргааш л бут үсрэх Ардчилсан намын түр эвлэрэл
COVID-19: Халдварласан хүний тоо 4,525,000 давж, 303,371 хүн нас баржээ
Хамгийн олон хууль санаачилж батлуулсан гишүүд
УИХ-ын сонгуульд нэр дэвшигчдийн ХОМ авах сүүлийн хугацаа энэ сарын 19
Хэнтий аймагт орон нутгийн замын хөдөлгөөнийг хязгаарлана
Цаг агаарын гамшигт үзэгдлээс сэрэмжлүүлж байна!